نۇر-سۇلتان قالاسىنىڭ ەسىل اۋدانىنا قاراستى قورعالجىن تاس جولى بويىنداعى ءورت ءسوندىرىلىپ جاتىر, دەپ حابارلايدى Egemen.kz.
نۇر-سۇلتان قالالىق توتەنشە جاعدايلار دەپارتامەنتى ءمالىم ەتكەندەي, اتالعان اۋداندا ءورت شىققانى تۋرالى حابارلاما 101 پۋلتىنە ساعات 15:03-تە تۇسكەن.
«وقيعا ورنىنا جەتكەن ءورت سوندىرۋشىلەر قۇرعاق ءشوپ پەن قامىستىڭ جانىپ جاتقانىن انىقتادى. ءورت شارپىعان اۋدان الدىن الا بولجامعا سايكەس ءبىر گەكتاردى قۇرايدى. زارداپ شەككەندەر مەن قازا تاپقاندار جوق. قازىرگى ۋاقىتتا ءورتتى سوندىرۋگە جەكە قۇرامنىڭ 25 مامانى, 6 ءورت ءسوندىرۋ ماشيناسى جانە جەرگىلىكتى اتقارۋشى ورگاننىڭ 4 سۋ شاشاتىن تەحيكاسى مەن ءبىر تراكتورى جۇمىلدىرىلعان. ءورت ساعات 17:31-دە جارتىلاي ءسوندىرىلدى. وتتىڭ نۇر-سۇلتان قالاسىنىڭ جاسىل بەلدەۋىنە, قۇرىلىس نىساندارىنا تارالۋ قاۋپى جوق», دەلىنگەن حابارلامادا.