وتكەن جىلى الەۋمەتتىك جانە باسقا دا مىندەتتەمەلەر تولىق كولەمدە ورىندالدى. بۇل تۋرالى پارلامەنت پالاتالارىنىڭ بىرلەسكەن وتىرىسىندا 2021 جىلعى رەسپۋبليكالىق بيۋدجەتتىڭ اتقارىلۋى تۋرالى ەسەپتى قاراۋ كەزىندە پرەمەر-ءمينيستردىڭ ورىنباسارى – قارجى ءمينيسترى ەرۇلان جاماۋباەۆ ءمالىم ەتتى, دەپ حابارلايدى Egemen.kz.
«ۇكىمەتتىڭ ەسەبى پارلامەنت ءماجىلىسى مەن سەناتىندا ەگجەي-تەگجەيلى تالقىلاندى. ونى قاراۋ كەزىندە ەكونوميكانىڭ بارلىق باعىتى بويىنشا جۇزدەگەن سۇراقتار مەن ۇسىنىستار بەرىلدى. ولار جۇمىس توپتارى مەن كوميتەتتەردە دە تالقىلاندى. دەپۋتاتتاردىڭ ۇسىنىمدارى ۇكىمەت جۇمىسىندا ەسكەرىلەدى.
2021 جىلى ءىجو-ءنىڭ ءوسىمى 4 پايىزدى قۇرادى. ەكونوميكانىڭ بارلىق نەگىزگى سالالارىندا وڭ ناتيجە بولدى. ماسەلەن, ونەركاسىپتىك ءوندىرىس كولەمى 3,8 پايىزعا, قۇرىلىس سالاسى 7,6 پايىزعا, كولىك 3,6 پايىزعا, ساۋدا 9,2 پايىزعا ءوستى. نەگىزگى كاپيتالعا سالىنعان ينۆەستيتسيالار كولەمى 3,5 پايىزعا ۇلعايدى», دەدى ە. جاماۋباەۆ.
سونىمەن قاتار ول بىلتىر ينفلياتسيا 8,4 پايىزدى قۇراعانىن ەسكە سالدى. جۇمىسسىزدىق 4,9% دەڭگەيىندە ساقتالدى.