وزبەك-قىرعىز شەكاراسىندا جاسىرىن جەراستى جولىن قازعاندار ۇستالدى, دەپ حابارلايدى Egemen.kz.
مەملەكەتتىك قاۋىپسىزدىك قىزمەتىنىڭ وكىلى ماقليو ۆاليقۋلوۆانىڭ ايتۋىنشا, 8 ادامنان قۇرىلعان قىلمىستىق توپ جىلدار بويى كونتراباندامەن اينالىسقان. ەكەۋى وزبەكستان, التاۋى قىرعىزستان ازاماتى. ولار جەراستى جولىمەن 1 ملن 641 مىڭ دوللار قارجىنى زاڭسىز الىپ وتپەك بولعان جەرىنەن ۇستالعان.
«تەكسەرۋ كەزىندە اندىجانداعى تاعى ءبىر ۇيدەن ۇزىندىعى 420 مەترلىك جەراستى جولى انىقتالدى. وندا جۇك تاسيتىن ەلەكتر اربا بولعان. كىنالىلەرگە قاتىستى سوت قىلمىستىق ءىس قوزعاپ, 8 جىلعا دەيىن باس بوستاندىعىن شەكتەدى. توپ مۇشەلەرى قۇقىق قورعاۋ ورگاندارىنىڭ نازارىنا ىلىكپەس ءۇشىن بايلانىس قۇرالدارىن قولدانعان. ءىرى كولەمدەگى ۆاليۋتانى ەلىمىزدىڭ اۋماعىنا اكەلىپ, ودان كەيىن جەراستى جولى ارقىلى قىرعىزستانعا الىپ كەتىپ جۇرگەن. تەرگەۋ امالدارى كەزىندە ولاردىڭ ارەكەتتەرى ايعاق زاتتارمەن دالەلدەندى», دەدى م.ۆاليقۋلوۆا.