شىمكەنت قالاسىندا وبلىستىق كلينيكالىق اۋرۋحانا اۋلاسىندا كومىر قىشقىل گازى ساقتالعان باللون جارىلدى, دەپ حابارلايدى Egemen.kz قالالىق توتەنشە جاعدايلار دەپارتامەنتىنە سىلتەمە جاساپ.
«شىمكەنت قالاسى تج دەپارتامەنتىنىڭ «101» باسقارۋ پۋلتىنە 2022 جىلعى 17 ماۋسىمدا ساعات 13:04-تە قاتتى تارسىل ەستىلگەنى تۋرالى حابارلاما كەلىپ ءتۇستى. كەيىن بەلگىلى بولعانداي, ءال-فارابي اۋدانى مايلى قوجا كوشەسى بويىندا ورنالاسقان وبلىستىق كلينيكالىق اۋرۋحانانىڭ اۋلاسىندا اشىق جەردە كولەمى 20 ش.م. قۇرايتىن باستىرمانىڭ استىندا 1 دانا كومىر قىشقىل گاز ساقتالعان باللون جارىلعان. ءورت شىققان جوق. جوعارى رانگ بويىنشا شاقىرىلىم راستالمادى», دەپ جازىلعان شىمكەنت قالاسى تجد قوعاممەن بايلانىس توبى تاراتقان اقپاراتتا.
وقيعا ورنىنا شىمكەنت قالاسى تجد ءورت ءسوندىرۋ قىزمەتىنەن 21 ادام جانە 5 تەحنيكا جۇمىلدىرىلعان.