اتالعان ەلدەگى وپپوزيتسيا جەتەكشىسى وسمان سونكو مەن ونىڭ جاقتاستارى سەنەگالداعى سايلاۋ پروتسەستەرىنە نارازىلىق ءبىلدىردى, دەپ حابارلايدى Egemen.kz.
ولار كونستيتۋتسيالىق سوتتىڭ 31 شىلدەدە وتەتىن پارلامەنتتىك سايلاۋعا سونكو باسقاراتىن كواليتسيا ۇمىتكەرلەرىن قابىلداماي قويعانىنا نارازى. سول سەبەپتى داكار استاناسىنداعى وبەليسك الاڭىندا ارنايى اكتسيا وتكىزدى.
دەمونسترانتتار ۇكىمەت پەن پرەزيدەنت ماككي ساللعا قارسى ۇرانداتقان.
بىراق ەلدە 10 شىلدەگە دەيىن شەرۋ وتكىزۋگە تىيىم سالىنعان. سول سەبەپتى زاڭسىز شەرۋگە شىققاندار مەن پوليتسيا اراسىندا قاقتىعىس بولدى.
جەرگىلىكتى اقپارات قۇرالدارى وقيعا كەزىندە 1 ادامنىڭ قازا تاپقانىن حابارلادى.
قازىر ەلدە قاۋىپسىزدىك شارالارى كۇشەيتىلىپ جاتىر. داكاردىڭ كوپتەگەن كوشەلەرى كولىك قوزعالىسى ءۇشىن جابىلدى.