ءۇندىستان مەن بانگلادەشتىڭ ءارتۇرلى ايماقتارىندا جاۋعان نوسەر سالدارىنان تۋىنداعان سۋ تاسقىنى مەن كوشكىننەن 13 ادام قازا تاپتى, دەپ حابارلايدى Egemen.kz.
كەيىنگى ءبىر تاۋلىكتىڭ وزىندە ءۇندىستاننىڭ سولتۇستىك-شىعىسىنداعى اسسام شتاتىندا سەل سالدارىنان 9 ادام قازا تاپقان.
جەرگىلىكتى بيلىكتىڭ ايتۋىنشا, بەس كۇندە سۋ تاسقىنى مەن كوشكىننىڭ سالدارىنان 1,8 ميلليوننان استام ادام زارداپ شەككەن. تاعى 108 مىڭنان استام ادام قاۋىپسىز ايماقتارعا كوشىرىلگەن.
بانگلادەشتىڭ وڭتۇستىگىندەگى چاتتوگرام ايماعىندا 17 ماۋسىم كۇنى باستالعان جاڭبىر ءالى تولاستاماي تۇر. بۇل مەكەندە كوشكىن سالدارىنان 4 ادام قازا تاۋىپ, كوپتەگەن تۇرعىندار زارداپ شەكتى.