2022 جىلدىڭ 20 ماۋسىمى الماتى-2 ستانتسياسىنان «سالاماتتى قازاقستان» مەديتسينالىق پويىزى ەلىمىزدىڭ شالعاي ستانتسيالارى مەن جاقىن جەردەگى اۋىلداردىڭ تۇرعىندارىنا تەگىن مەديتسينالىق كومەك كورسەتۋ ءۇشىن جولعا شىعادى. پويىز ەڭ الدىمەن الماتى وبلىسىنىڭ بايسەركە ستانتسياسىنا بارادى, دەپ جازادى Egemen.kz.
مامانداندىرىلعان مەديتسينالىق پويىز 8 ۆاگوننان تۇرادى: ديزەل-گەنەراتور ۆاگونى, 4 مەديتسينالىق ۆاگون, 1 كونفەرەنتس-زال جانە مەيرامحانا, 2 كۋپە ۆاگون. ديزەل-گەنەراتور ۆاگونى قاجەت بولعان جاعدايدا شاعىن ەلدىمەكەندى ەلەكتر ەنەرگياسىمەن قامتاماسىز ەتە الادى.
ءىس-شارا بارىسىندا مەديتسينالىق پويىز ماماندارى ارنايى پويىز ۆاگوندارىمەن, باس دارىگەر قابىلداۋ بولمەلەرىمەن, سونداي-اق تۇرعىندارعا تەگىن مەديتسينالىق كومەك كورسەتەتىن بىلىكتى ماماندارمەن تانىستىرادى.
جوبا «سامۇرىق-قازىنا» اق كومپانيالار توبىنىڭ اتىنان «Samruk-Kazyna Trust» الەۋمەتتىك جوبالاردى دامىتۋ قورى قر دەنساۋلىق ساقتاۋ مينيسترلىگىنىڭ قولداۋىمەن, «قازاقستان تەمىر جولى» ۇك اق جانىنداعى «الەۋمەتتىك جوبالار قورى» كورپوراتيۆتىك قورىمەن بىرلەسىپ ىسكە اسىرىلۋدا.
ءىس-شاراعا مەديتسينالىق پويىزدىڭ ماماندارى مەن قىزمەتكەرلەرى, سونداي-اق جۋرناليستەر قاتىسادى.