ورمانشىلار باياناۋىل تابيعي قورىعىن جىبەك قۇرتى باسقانىن انىقتادى, دەپ حابارلادى Egemen.kz Pavlodarnews.kz سايتىنا سىلتەمە جاساپ.
ء«تورت كۇن ىشىندە قۇرتتار جاپىراقتى تۇگەلدەي دەرلىك جەپ, اعاشتاردى جالاڭاشتاپ تاستادى. جاقىن كەلىپ قاراساڭىز, اعاشتىڭ قۋراماعانىن, تەك جاپىراقسىز قالعانىن كورۋگە بولادى. بۇل جىبەك قۇرتىنىڭ جاڭا وشاعى, وعان باقىلاۋ جۇرگىزىلمەدى. ءبىر اپتاعا سوزىلعان اپتاپ ىستىق ونىڭ پايدا بولۋىنا ىقپال ەتتى», دەدى ۇلتتىق پارك ديرەكتورىنىڭ مىندەتىن اتقارۋشى فارحات سىزدىقوۆ.
ونىڭ ايتۋىنشا, بۇرىن قورىق اۋماعىندا ءبىر گەكتاردان اسپايتىن جەردە جىبەك قۇرتى پايدا بولعان. ورمانشىلار رۇقسات ەتىلگەن پرەپاراتتاردىڭ كومەگىمەن ءوز بەتىنشە كۇرەس جۇرگىزگەن.
وتكەن جىلى دەرناسىلدەر مۇلدەم بولماعان. ال بيىل زيانكەستەردەن زارداپ شەككەن اۋماق 50 گەكتاردان اسىپ وتىر.
بۇعان دەيىن ماماندار پاۆلودار اۋدانىنىڭ ءار اۋىلىندا زيانكەستەردىڭ بىرنەشە وشاعىن انىقتاعان. اسىرەسە, گريگورەۆ اۋىلدىق وكرۋگى قاتتى زارداپ شەككەن.
ەرتىس اۋدانىندا سارى قانات جىبەك كوبەلەگىنىڭ دەرناسىلدەرى پايدا بولعان. ولار قاراقۇدىق اۋىلدىق وكرۋگىندەگى قايىڭ جارىقشاقتارىنان انىقتالدى.