تۇركىستانداعى قوجا احمەت ياساۋي كەسەنەسىنىڭ جانىنداعى «جەتى تاندىر» مەيرامحاناسى ورتەندى. ءتىلسىز جاۋ قوعامدىق تاماقتانۋ ورنىنىڭ 400 شارشى مەتر اۋماعىن شارپىعان, دەپ حابارلايدى Egemen.kz.
قر تجد ءباسپاسوز قىزمەتىنىڭ مالىمەتىنشە, جالىن عيماراتتىڭ ەكىنشى قاباتىنان شىققان.
ء«ورتتى سوندىرۋگە تۇركىستان وبلىسى تجد, اپاتتار مەديتسيناسى ورتالىعىنىڭ 28 قىزمەتكەرى مەن 11 تەحنيكاسى جۇمىلدىرىلدى. ءورت ساعات 12.50-دە وقشاۋلاندى. ءورت كولەمى ناقتىلانىپ جاتىر. وقيعا ورنىندا جەدەل شتاب ۇيىمداستىرىلدى. اكىمشىلىكتىڭ ايتۋىنشا, ءورت ءسوندىرۋ بولىمشەلەرى كەلگەنگە دەيىن كەلۋشىلەر عيماراتتان ءوز بەتىنشە شىعىپ كەتكەن. زارداپ شەككەندەر تۋرالى اقپارات تۇسكەن جوق», دەلىنگەن حابارلامادا.