قر پرەمەر-ءمينيسترىنىڭ ورىنباسارى – قارجى ءمينيسترى ەرۇلان جاماۋباەۆ مەملەكەت بورىشىن باسقارۋ ماسەلەسىنە تۇسىنىكتەمە بەردى, دەپ حابارلايدى Egemen.kz.
«مەملەكەت بورىشىنىڭ ءوسۋى رەسپۋبليكالىق بيۋدجەت تاپشىلىعىن جابۋ قاجەتتىلىگىمەن جانە ماڭىزدى الەۋمەتتىك جوبالاردى قارجىلاندىرۋ ماقساتىندا قارىز الۋمەن بايلانىستى. دەگەنمەن, بۇگىنگى تاڭدا مەملەكەت بورىشى قاۋىپسىز دەڭگەيدە ساقتالىپ, جالپى ىشكى ونىمگە شاققاندا 27,4%-دى قۇرايدى», دەدى ەرۇلان جاماۋباەۆ.
قارجى ءمينيسترىنىڭ ايتۋىنشا قارىزدى باسقارۋ ماسەلەسىنە قاتىستى ءتيىمدى شارالار قاراستىرىلادى.
«بىرىنشىدەن, بيۋدجەت تاپشىلىعى كەزەڭ-كەزەڭىمەن ازايادى, بۇل بورىشتىڭ ءوسۋ قارقىنىن تومەندەتۋگە كومەكتەسەدى. ەكىنشىدەن, اكىمشىلەندىرۋدى جاقسارتۋ جانە تسيفرلاندىرۋ ناتيجەسىندە سالىق تۇسىمدەرىن بىرتىندەپ ۇلعايتۋ جوسپارلانىپ وتىر. ۇشىنشىدەن, قارىز الۋ كەزىندە ىشكى نارىقتىڭ وتىمدىلىگى بارىنشا پايدالانىلادى. بۇدان باسقا, زاڭنامادا سىرتقى قارىز قاراجاتىن ۋاقىتىلى يگەرمەگەنى ءۇشىن مەملەكەتتىك ورگاننىڭ ءبىرىنشى باسشىسىنىڭ جاۋاپكەرشىلىگىن بەلگىلەۋ جونىندە نورما قابىلدانعانىن اتاپ وتكىم كەلەدى», دەدى ول.