اتىراۋ قالاسىندا بەس قاباتتى تۇرعىن ءۇي ورتەنىپ, 6 ادام, ونىڭ ىشىندە 4 بالانى ەۆاكۋاتسيالاندى, دەپ حابارلايدى Egemen.kz.
ءورت تۋرالى اقپارات 15 ماۋسىمدا ساعات 14:14-تە بايلانىس پۋنكتىنە كەلىپ ءتۇستى.
بەس قاباتتى ءۇيدىڭ تەرەزەلەرىنەن ءتۇتىن شىققاننىن كورگەن كۋاگەرلەر ءورت ءسوندىرۋ قىزمەتىنە قوڭىراۋ شالعان. قۇتقارۋشىلار ۆلاديميرسكايا كوشەسى, 99 مەكەن-جايىنا شىقتى.
ءورت ءسوندىرۋ بارىسىندا ءورت سوندىرۋشىلەر ءتۇتىن باسقان باسپالداق ويىعى بويىنشا 6 ادامدى شىعاردى.
انىقتالعانداي, ءورت تۇرعىن ءۇي بولمەلەرىنىڭ بىرىندە شىققان. ءورت ساعات 14:33-تە اۋىزدىقتالىپ, ساعات 14:45-تە تولىقتاي ءسوندىرىلدى. قازىرگى ۋاقىتتا ءورتتىڭ ناقتى سەبەپتەرى انىقتالۋدا. زارداپ شەككەندەر جوق.