پرەزيدەنت قاسىم-جومارت توقاەۆ «روسسيا-24» تەلەارناسىنا بەرگەن سۇحباتىندا ەاەو, ۇقشۇ, شىۇ سىندى ۇيىمدار تۋرالى ايتتى, دەپ حابارلايدى Egemen.kz.
«قازاقستان وسى ينتەگراتسيالىق بىرلەستىكتەردەگى ءوز قىزمەتىن قولدايدى. قازاقستاننىڭ ەاەو, ۇقشۇ-دان شىعۋ نيەتى تۋرالى بارلىق اڭگىمەلەر شىندىققا مۇلدەم سايكەس كەلمەيدى», دەدى پرەزيدەنت سۇحبات بارىسىندا.
سونداي-اق ول ۇقشۇ-عا قاتىستى ۇستانىمىن ايتا كەتتى.
«ۇقشۇ-عا كەلەتىن بولساق, مەن ماسكەۋدە ءسوز سويلەدىم, ۇقشۇ-نىڭ 30 جىل ىشىندە العاش رەت قازاقستانعا شەكتەۋلى كونتينگەنتتى جىبەرۋ ارقىلى ءوزىن قانداي دا ءبىر تۇردە كورسەتكەنىن ايتتىم. بۇل رەتتە رەسەي ەمەس, ۇقشۇ-نى اتاپ وتەمىن. رەسەيدە كەيبىر ادامدار بۇل جاعدايدى رەسەي قازاقستاندى قۇتقاردى, ال قازاقستان ەندى ماڭگى قىزمەت ەتىپ, رەسەيدىڭ اياعىنا تاعزىم ەتۋى كەرەك دەيدى. مەنىڭ ويىمشا, بۇل شىندىقتان مۇلدەم الىس. ءدال وسى ۇقشۇ-دا قازاقستان بەلسەندى قاتىسۋشى. بۇرىن بۇل ۇيىم سامميتتەر وتكىزۋمەن, دەكلاراتسيالارعا قول قويۋمەن اينالىسقان. ياعني, ۇيىم ءوزىن ءتيىمدى كورسەتتى», دەدى قاسىم-جومارت توقاەۆ.
سونداي-اق مەملەكەت باسشىسى ەاەو دا قازاقستان ءۇشىن ماڭىزدى ۇيىم ەكەنىن ايتتى.
«ەاەو-عا كەلەتىن بولساق, مەنىڭ ويىمشا, بۇل وتە ماڭىزدى ۇيىم. مەن بىشكەكتە وتكەن ەكونوميكالىق فورۋم وتىرىسىندا بۇل ءوزارا ىمىرانى تالاپ ەتەتىن وتە كۇردەلى ەڭبەك ەكەنىن ايتتىم. ويتكەنى ءار ەل ءوز ۇستانىمىن قورعاۋدى قاجەت دەپ سانايدى. بۇل قالىپتى جاعداي. سول سەبەپتى ەاەو-داعى ءبىزدىڭ وكىلدەرىمىز ەل مۇددەسىن بارىنشا تاباندى قورعاپ كەلەدى», دەدى ق.توقاەۆ.