شىمكەنتتە ماينينگتىك فەرمادان 44 ميلليون تەڭگەنىڭ زاتىن ۇرلاپ كەتكەندەر جازاعا تارتىلدى, دەپ حابارلايدى Egemen.kz.
«Qazaqstan» تەلەارناسى قاراقشىلىق جاساعان ءۇش ادامنىڭ 5 جىل مەرزىمگە سوتتالعانى جايلى اقپارات تاراتتى.
تەرگەۋ بارىسىندا بەلگىلى بولعانداي ولار فەرمانىڭ قورشاۋىن بۇزىپ ءوتىپ, كريپتوۆاليۋتالاردى جيناۋعا ارنالعان 46 جابدىقتى بولشەكتەپ الىپ شىققان. الايدا, كوپ ۇزاماي بەينەباقىلاۋ كامەراسىنا ءتۇسىپ قالعان كولىگى ارقىلى تابىلدى. قىلمىستىق توپتىڭ ءبىر مۇشەسى ماينينگتىك فەرماعا بۇعان دەيىن ەلەكتريك رەتىندە بارعانى جانە ءدال وسى ازاماتتىڭ قىلمىستى ۇيىمداستىرعانى بەلگىلى بولدى. كۇدىكتىلەر كىناسىن تولىق مويىنداپ, جابىرلەنۋشىگە كەلتىرىلگەن زالالدى وتەپ بەردى.
ال ماينينگتىك فەرمانى جۇرگىزۋ دەرەگى بويىنشا ماتەريالدار ەكونوميكالىق تەرگەۋ دەپارتامەنتىنە جىبەرىلدى.