قالالىق كريمينالدىق پوليتسيا ءبولىمىنىڭ قىزمەتكەرلەرى جەدەل-ىزدەستىرۋ ءىس-شارالارىن جۇرگىزۋ كەزىندە قۇرىلىس وبەكتىسىنەن ۇرلىق جاسادى دەگەن كۇدىكپەن ەكى ەر ادامدى ۇستادى, دەپ حابارلايدى Egemen.kz قالالىق پد ءباسپاسوز قىزمەتىنە سىلتەمە جاساپ.
تەرگەۋ بارىسىندا جالپى قۇنى 2 ميلليون تەڭگە تۇراتىن قۇرىلىس ماتەريالدارىن وسى نىساندا كۇزەتشى بولىپ جۇمىس ىستەگەن 30 جانە 34 جاستاعى ەكى كۇدىكتىنىڭ ۇرلاعانى بەلگىلى بولدى.
ولار تۇندە بوتەن ادامداردىڭ جوقتىعىن پايدالانىپ, كولىكتى الدىن-الا ۇيىمداستىرىپ, ماتەريالداردى الىپ كەتكەن. كەيىن الىپ كەتكەن زاتتاردى ساتپاقشى بولعان.
اتالعان فاكتىگە بايلانىستى ۇرلىق بابى بويىنشا سوتقا دەيىنگى تەرگەۋ امالدارى جۇرگىزىلىپ جاتىر. كۇدىكتىلەر ءوز كىناسىن مويىندادى. ولاردىڭ بۇرىن جاسالعان وسىعان ۇقساس قىلمىستارعا قاتىسى تەكسەرىلىپ جاتىر.