قازاقستاندا حالىق سانى ءوستى

1 مامىردا ەلىمىزدەگى حالىق سانى 19 199,8 مىڭ ادامدى قۇرادى. ونىڭ ىشىندە قالالىقتار – 11 442,9 مىڭ (59,6%), اۋىلدىقتار – 7 756,9 مىڭ ادام (40,4%). 2021 جىلعى 1 مامىرمەن سالىستىرعاندا حالىق سانى 236,9 مىڭ ادامعا نەمەسە 1,2% ءوستى. ەرلەردىڭ ۇلەسى - 48,6%, ايەلدەر - 51,4%.

«قاڭتار-ساۋىردە رەسپۋبليكا حالقىنىڭ تابيعي ءوسىمى 2021 جىلعى قاڭتار-ساۋىرمەن سالىستىرعاندا (88 مىڭ ادام) 9,8% كەمىپ, 79,3 مىڭ ادامدى قۇرادى. تابيعي ءوسىمنىڭ جالپى كوەففيتسيەنتى 1000 ادامعا شاققاندا - 12,54 ادام.

احات ورگاندارى ۇسىنعان ازاماتتىق حال اكتىلەرى جازباسىنداعى مالىمەتتى وڭدەۋ ناتيجەسىندە 2022 جىلعى قاڭتار-ساۋىردە تۋعاندار سانى 127 مىڭ ادامدى قۇرادى, بۇل 2021 جىلعى قاڭتار-ساۋىرگە (137,4 مىڭ ادام) قاراعاندا 7,6% از. تۋدىڭ جالپى كوەففيتسيەنتى 1000 ادامعا - 20,08 جاعداي» دەلىنگەن حابارلامادا.

قاراستىرىلىپ وتىرعان كەزەڭدە قايتىس بولعاندار سانى 47,7 مىڭ ادامدى قۇرادى, بۇل 2021 جىلعى قاڭتار-ساۋىرگە (49,5 مىڭ ادام) قاراعاندا 3,6% از. ءولىم-ءجىتىمنىڭ جالپى كوەففيتسيەنتى - 1000 ادامعا 7,54 قايتىس بولعان. 2022 جىلعى قاڭتار-ساۋىردە رەسپۋبليكادا 1 جاسقا دەيىن 1 113 ءسابي شەتىنەگەن. 2021 جىلعى ءتيىستى كەزەڭمەن سالىستىرعاندا (1109 شەتىنەگەن نارەستە) 0,4% ارتتى.

نارەستە ءولىم-ءجىتىمىنىڭ كوەففيتسيەنتى 1000 جاڭا تۋعان سابيگە شاققاندا - 8,76 وقيعا.