«قازفوسفات» كومپانياسى امموفوس تىڭايتقىشىنىڭ باعاسىن تومەندەتتى, دەپ حابارلايدى Egemen.kz «حابار 24» ارناسىنا سىلتەمە جاساپ.
ەستەرىڭىزگە سالا كەتەيىك, بىلتىر قاراشا ايىندا امموفوس باعاسى 35%-كە شارىقتاپ كەتتى. ال بيىل قاڭتار ايىندا تىڭايتقىش باعاسى 185 مىڭ تەڭگەگە جەتتى. قۇزىرلى ورگاندار جۇرگىزگەن تەكسەرۋدەن كەيىن امموفوس تونناسىنا 173 مىڭ تەڭگەگە دەيىن تومەندەدى.
سونداي-اق كومپانيا بۇرىنعى جانە قازىرگى باعا اراسىنداعى ايىرماشىلىقتى تولەۋدى باستاعان. ونىڭ جالپى كولەمى 2,8 ملرد تەڭگە بولىپ وتىر.