قر ەگترم ورمان شارۋاشىلىعى جانە جانۋارلار دۇنيەسى كوميتەتىنىڭ نورماتيۆتىك قۇقىقتىق اكتىلەرىنىڭ اشىق دەرەكتەر پورتالىندا كيىك دەريۆاتىن جيناۋعا بۇيرىق جوباسىن پىسىقتاۋ ءۇشىن قايتارىپ الدى, دەپ حابارلايدى Egemen.kz.
ەكولوگيا مينيسترلىگىنىڭ مالىمەتىنشە, جانۋارلار دۇنيەسىن مەملەكەتتىك قورعاۋدى ۇيىمداستىرۋ, ناقتىلاپ ايتساق, كيىكتەردى پايدالانۋدى 2023 جىلعا دەيىن تىيىم سالۋدىڭ ناتيجەسىندە ولاردىڭ جىل سايىنعى ورتا سانى 40%-عا ارتىپ وتىردى.
«2017 جىلعى ەسەپ بويىنشا كيىك باسى 152 مىڭ بولسا, 2022 جىلى ولاردىڭ سانى 1,3 ميلليونعا جەتتى. دەگەنمەن, بۇل جانۋارلاردىڭ رەسپۋبليكا بويىنشا وڭتايلى سانى 560-770 مىڭ بولۋى كەرەك ەكەن. اسىرەسە باتىس قازاقستان وبلىسىنا ەرەكشە نازار اۋدارۋ قاجەت – وندا كيىكتەردىڭ سانى 801 مىڭ باستى قۇرايدى. بۇل وڭىردە جايىلىمدار مەن سۋاتتار ءۇشىن اۋىل شارۋاشىلىعى جانۋارلارى مەن كيىكتەردىڭ باسەكەلەستىگى ارتا تۇسكەن. سونىمەن قاتار, كيىكتەر باستىس قازاقستان, اقمولا جانە قاراعاندى وبلىستارىندا ەگىستىكتەرگە دە زيان كەلتىرۋدە», دەلىنگەن كوميتەت حابارلاماسىندا.
بۇگىندە 2015 جىلعى پاستەرەلليوز ىندەتىنىڭ قايتالانۋ قاۋپى بار. سول جىلى 150 مىڭ كيىك (بۇكىل پوپۋلياتسيانىڭ 80%) قىرىلىپ قالعان بولاتىن.
«قازىرگى ۋاقىتتا كيىكتەردىڭ سانىن باسقارۋ ماقساتىندا, عىلىمي بيولوگيالىق نەگىزدەمە ازىرلەنۋدە. ونىڭ قورىتىندىسى بويىنشا كيىكتەردىڭ سانىن رەتتەۋ ماسەلەسى بويىنشا شەشىم قابىلدانادى», دەلىنگەن حابارلامادا.