ۇلتتىق ستاتيستيكا بيۋروسىنىڭ مالىمەتى بويىنشا, 2021 جىلدىڭ مامىرىنان باستاپ 2022 جىلدىڭ مامىرىنا دەيىن قايتالاما نارىقتاعى پاتەرلەردىڭ باعاسى 27,9%-عا, جاڭا تۇرعىن ءۇي ساتىلىمى 19,3%-عا ءوستى, دەپ حابارلايدى Egemen.kz.
2022 جىلدىڭ مامىر ايىندا اباتتاندىرىلعان تۇرعىن ءۇيدى جالعا الۋ تولەمى 22,8%-عا ءوستى.
ۇلتتىق ستاتيستيكا بيۋروسىنىڭ باعا ستاتيستيكاسى دەپارتامەنتىنىڭ ديرەكتورى قۋانىشبەك جاقىپبەك ۇلىنىڭ ايتۋىنشا, وڭىرلىك بولىنىستە تۇرعىن ءۇيدىڭ باستاپقى نارىعىنداعى باعالار جىلدىق ماندە 27,2%-عا ايتارلىقتاي قىمباتتاعان.
«تۇرعىن ءۇيدىڭ قايتالاما نارىعىندا باعانىڭ ءوسۋ كوشباسشىلارى – تالدىقورعان (48,6%), تۇرعىن ءۇيدى جالعا بەرۋ نارىعىندا – الماتى (49,9%)», دەپ اتاپ ءوتتى قۋانىشبەك جاقىپبەك ۇلى.
ءبىر اي ىشىندە جاڭا تۇرعىن ءۇيدى ساتۋ باعاسى 1,7%-عا, پاتەرلەردى قايتا ساتۋ - 1%-عا ءوستى.
ال اباتتاندىرىلعان تۇرعىن ءۇيدى جالداۋ اقىسى مامىر ايىندا وتكەن ايمەن سالىستىرعاندا 1,3%-عا ءوستى.