يراندا مەشحەدتەن يەزدكە دەيىنگى جولاۋشىلار پويىزى رەلستەن شىعىپ كەتكەن. وقيعا سالدارىنان 13 ادام قايتىس بولدى, دەپ حابارلايدى Egemen.kz.
وقيعا ورنىندا 50 جولاۋشى ءتۇرلى دەنە جاراقاتتارىن الدى, ونىڭ 12-ءسى اۋىر حالدە. تاسس مالىمەتىنشە, وقيعا ورنىندا قۇتقارۋشىلار مەن دارىگەرلەر بريگادالارى جۇمىس ىستەپ جاتىر.
قازىر اپاتتىڭ ناقتى سەبەپتەرى انىقتالۋدا. جەرگىلىكتى بيلىكتىڭ ايتۋىنشا, زارداپ شەككەندەردىڭ ءتىزىمى ءالى دە ارتۋى مۇمكىن.