رەسپۋبليكالىق بيۋدجەتتىڭ اتقارىلۋىن باقىلاۋ جونىندەگى ەسەپ كوميتەتىنىڭ توراعاسى ۇلتتىق قوردىڭ تۇجىرىمداماسىندا كورسەتىلمەگەن باعىتتارعا 230 ملرد تەڭگەدەن استام قارجى بولىنگەنىن مالىمدەدى, دەپ حابارلايدى Egemen.kz.
بۇل تۋرالى ول پرەزيدەنتتىڭ قابىلداۋىنان كەيىن بەرگەن سۇحباتىندا ايتتى.
«مەن بۇگىن مەملەكەت باسشىسىنا ۇلتتىق قوردان بولىنگەن ماقساتتى ترانسفەرتتەرگە جۇرگىزىلگەن ءاۋديتتىڭ الدىن الا قورىتىندىسى تۋرالى باياندادىم. بۇل اۋقىمدى جۇمىستىڭ قورىتىندىسى بويىنشا شامامەن 9 ملرد تەڭگەنىڭ قارجىلىق زاڭ بۇزۋ فاكتىسى انىقتالدى. 290 ملرد تەڭگەدەن استام قاراجاتتىڭ 20 جوبا بويىنشا 20 نىسانعا ۇلتتىق قوردىڭ تۇجىرىمداماسىندا قاراستىرىلماعان باعىتتارعا 230 ملرد تەڭگەدەن استام قاراجات بولىنگەن. زاڭ بۇزۋ فاكتىلەرى نەگىزىنەن اتقارىلماعان جۇمىستار مەن ورىندالماعان قىزمەتتەرگە اقى تولەۋمەن بايلانىستى», دەيدى كوميتەت باسشىسى بورت №1 تەلەگرام ارناسى جاريالانعان بەينەروليكتە.