ارداگەر بريتاندىق جۋرناليست جانە برازيليانىڭ بايىرعى حالقىن زەرتتەيتىن ساراپشى امازونكانىڭ قيىر باتىسىنداعى شالعايدا دجاۆاري اڭعارىندا جوعالىپ كەتتى, دەپ حابارلايدى Egemen.kz.
جەرگىلىكتى حالىقتاردى ۇيلەستىرۋ ۇيىمىنىڭ مالىمەتىنشە, جۋرناليست دوم فيلليپس پەن برازيليانىڭ جەرگىلىكتى حالىقتار ۇلتتىق قورىنىڭ دەمالىستا جۇرگەن قىزمەتكەرى برۋنو اراۋجو پەرەيرا 30 ساعاتتان استام ۋاقىت بويى حابارسىز كەتكەن.
UNIVAJA دەپ اتالاتىن ۇيىم سپۋتنيكتىك اقپاراتقا سايكەس, ەرلى-زايىپتىلار جەكسەنبى كۇنى تاڭەرتەڭ سان-رافاەل قاۋىمداستىعىندا بولعان. ولار جەرگىلىكتى كوشباسشىمەن كەزدەسۋى كەرەك بولعان كورىنەدى. بۇدان سوڭ, ولار اتالايا-دۋ-نورتەگە ەكى ساعاتتىق ساپار جاساۋدى جوسپارلاعان. فيلليپس پەن پەرەيرانى ىزدەۋ جالعاسۋدا. برازيليانىڭ فەدەرالدى پروكۋراتۋراسى مەن فەدەرالدى پوليتسياسى جوعالعانداردى تەكسەرىپ جاتىر. سونىمەن قاتار شتاتتىڭ تەڭىز فلوتى مەن اسكەري پوليتسياسى دا ىزدەۋگە قاتىسۋدا.
امازوناس شتاتىنىڭ گۋبەرناتورى ۋيلسون ليما ىزدەستىرۋ-قۇتقارۋ جۇمىستارىن كۇشەيتۋ ءۇشىن ارنايى پوليتسيا بولىمشەلەرىن جىبەرۋگە بۇيرىق بەردى. بۇل ايماق ۇكىمەتتىڭ قورعاۋىندا. بىراق مۇندا زاڭسىز كەنشىلەر مەن زاڭسىز اڭشىلاردىڭ بىرنەشە قاندى وقيعاسى بولعان.
برازيليا پروكۋرورلارىنىڭ ايتۋىنشا, 2019 جىلدىڭ قىركۇيەگىندە تاعى ءبىر جەرگىلىكتى حالىق ىستەرى جونىندەگى وفيتسەر ماكسيەل پەرەيرا دوس سانتوس سول ايماقتا ولتىرىلگەن.فيلليپس ۇلىبريتانيا ازاماتى بولعاندىقتان بريتان كەڭەسى برازيليا بيلىگىمەن بايلانىستا.
«برازيليا ازاماتىنىڭ امازونكا ايماعىندا جوعالىپ كەتكەنى تۋرالى حاباردان كەيىن ءبىز برازيلياداعى جەرگىلىكتى بيلىكپەن بايلانىستامىز. ءبىز ونىڭ وتباسىنا كونسۋلدىق قولداۋ كورسەتىپ جاتىرمىز», دەدى بريتان كەڭەسىنىڭ قىزمەتكەرى ديەگو لوبو.
گۇلدانا ەلۋباي