بۇل جايىندا مەملەكەت باسشىسى قاسىم-جومارت توقاەۆ 5 ماۋسىم كۇنى وتكەن رەفەرەندۋمنىڭ قورىتىندىسى بويىنشا قازاقستان حالقىنا جاساعان ۇندەۋىندە ايتتى, دەپ حابارلادى Egemen.kz.
«مەملەكەتتىك اپپاراتتى جاڭعىرتىپ, بيۋروكراتيادان بارىنشا ارىلتۋ ءۇشىن جۇيەلى جۇمىس جالعاسادى. ءبىز قوعامنىڭ بارلىق وكىلدەرىنىڭ تالاپ-تىلەكتەرىنە جاۋاپ بەرەتىن وزىق مەملەكەت قۇرۋىمىز كەرەك. باسقارۋ جۇيەسىنىڭ تيىمدىلىگى جۇمىستىڭ بارىسىمەن ەمەس, تۇپكى ناتيجەمەن ولشەنەتىن بولادى.
مەملەكەتتىك اپپارات بيزنەسپەن, ۇكىمەتتىك ەمەس ۇيىمدارمەن جانە ازاماتتارمەن تىعىز جۇمىس ىستەۋگە باسا نازار اۋدارۋعا ءتيىس. سول ارقىلى ەل مۇددەسىنە ساي ءتيىمدى شەشىمدەر قابىلدانىپ, حالىققا كورسەتىلەتىن قىزمەت ساپاسى جاقسارا تۇسەدى», دەدى قاسىم-جومارت توقاەۆ.