گاز سالاسى ەلەۋلى قولداۋدى قاجەت ەتەدى. بۇل تۋرالى ماجىلىستەگى ۇكىمەت ساعاتىندا «QazaqGaz» ۇك اق باسقارما توراعاسى سانجار جاركەشوۆ ءمالىم ەتتى, دەپ حابارلايدى Egemen.kz.
«قازاقستان – گازدىڭ 3,8 ترلن تەكشە مەتر كولەمىندەگى قورى راستالعان ەل, ونى قاۋىپسىز جانە ءتيىمدى ءوندىرىپ, ىشكى نارىقتىڭ قاجەتتىلىكتەرىنە باعىتتاۋ كەرەك. گاز ءوندىرىسىنىڭ 81 پايىزى ءۇش ءىرى جوبا, ياعني قاراشىعاناق, قاشاعان جانە تەڭىزگە تيەسىلى. جاڭا گەوساياسي جاعدايلاردا, جاڭا ترانزيتتىك الەۋەتتى دامىتۋ جانە قازاقستان رەسپۋبليكاسىنىڭ وڭىرلەرىن ودان ءارى گازداندىرۋ مۇمكىندىگىمىز بار. بىراق, قازىرگى ۋاقىتتا گاز سالاسى ەلەۋلى قولداۋدى, ەلەۋلى قارجىلىق ينۆەستيتسيالاردى قاجەت ەتەدى. ويتكەنى گاز تاسىمالداۋ جۇيەسىنىڭ نىساندارىن جاڭعىرتپاي ءارى كەڭەيتپەي, تۇتىنۋشىلاردى ودان ءارى گازبەن ۇزدىكسىز جابدىقتاۋ مۇمكىن ەمەس», دەدى س. جاركەشوۆ.
ەنەرگەتيكا ءمينيسترى بولات اقشولاقوۆ 2025 جىلعا قاراي وتاندىق گازدىڭ تاپشىلىعى بولۋى مۇمكىن ەكەنىن ايتتى. ەل ىشىندە گاز تۇتىنۋ كولەمى تۇراقتى تۇردە ءوسىپ كەلەدى.
گۇلدانا ەلۋباي