وسى جىلى قاراعاندى وبلىسىندا استىق ەگۋ, كارتوپ پەن كوكونىس ەگۋ كولەمى ارتتى. كوكتەمگى دالا جۇمىستارى اياقتالدى, دەپ حابارلايدى Egemen.kz قاراعاندى وبلىسى اكىمدىگىنىڭ ءباسپاسوز قىزمەتىنە سىلتەمە جاساپ.
اپپاراتتىق جيىندا ەگىس ناۋقانىنىڭ ناتيجەلەرى جايلى اۋىل شارۋاشىلىعى باسقارماسىنىڭ باسشىسى اسقار ساناۋباروۆ باياندادى: «وبلىستا كوكتەمگى دالا جۇمىستارى وڭتايلى اگروتەحنيكالىق مەرزىمدە اياقتالدى. بيىلعى جىلى كوكتەمگى ەگىس كولەمى 2021 جىلمەن سالىستىرعاندا 30,2 مىڭ گەكتارعا ارتىپ, 1 ميلليون 84 مىڭ 900 گەكتار. كارتوپ 11,4 مىڭ گەكتارعا, كوكونىس 52 گەكتارعا ەگىلدى. بۇل دا بىلتىرعىدان كوپ. مال ازىعى داقىلدارى 4,2 مىڭ گەكتارعا ارتىپ, 75,9 مىڭ گەكتار», دەپ قورىتىندىلادى باسقارما باسشىسى.
شارۋالاردىڭ سورت جاڭارتۋعا ءمان بەرىپ, ونىمدىلىگى جوعارى جانە ەليتالىق تۇقىمداردى كوبىرەك پايدالاناتىنى انىقتالدى. سونىمەن قاتار ەگىستىك القاپتارىنىڭ 40 پايىزعا جۋىعىن مينەرالدى تىڭايتقىشتارمەن وڭدەۋ جوسپارلانعانى اتاپ كورسەتىلدى. بۇعان بىردەن-ءبىر سەبەپ - اگروتەحنولوگيالاردى قولدانۋ ەگىننىڭ مولايۋىنا ىقپال ەتۋى.
باسقارما باسشىسىنىڭ مالىمەتىنشە, قازىردىڭ وزىندە وسىمدىك وسىرۋشىلەرگە تۇقىم شارۋاشىلىعىن دامىتۋعا جانە مينەرالدى تىڭايتقىشتار ساتىپ الۋعا 1,2 ملرد تەڭگە كولەمىندە سۋبسيديا تولەنگەن.
وبلىستىڭ 132 اۋىل شارۋاشىلىعى تاۋارىن وندىرۋشىلەردىڭ ەگىس جۇمىستارىنا اگرارلىق نەسيە كورپوراتسياسى قارجىلاي قولداۋ كورسەتتى. ەگىس القاپتارىن شەگىرتكەدەن قورعاۋ ماقساتىندا بيۋدجەتتەن قارجى ءبولىندى. جۇمىس ماۋسىم ايىنا جوسپارلانعان.
ارۋجان امانگەلدى