قازاقستاندا كونستيتۋتسيانى وزگەرتۋ بويىنشا رەفەرەندۋم ءوتىپ جاتىر. ورتالىق ازيا مەملەكەتىنىڭ باسشىسى قاسىم-جومارت توقاەۆ مەملەكەتتىڭ نەگىزىن قالاعان نۇرسۇلتان نازارباەۆتىڭ وتىز جىلدىق بيلىگىنەن كەيىنگى ساياسي جۇيەنى رەفورمالاۋدى ماقسات ەتىپ وتىر.
الماتى مەن نۇر-سۇلتاندا داۋىس بەرۋ جەكسەنبى كۇنى تاڭعى ساعات 7-دە باستالىپ, 20:00-دە اياقتالادى. باتىستاعى رەفەرەندۋم ۋچاسكەلەرى كەشكى ساعات 21:00-دە جابىلادى. كونستيتۋتسيالىق رەفورما – 2019 جىلى نازارباەۆتىڭ ورنىنا پرەزيدەنت بولىپ سايلانعان قاسىم-جومارت توقاەۆ ۇسىنعان «جاڭا قازاقستان» باستاماسىنىڭ ءبىر بولىگى. وزگەرىستەر دەربەس شەشىم قابىلداۋدى, پارلامەنتتە ءتۇرلى توپتاردىڭ ەنۋىنە, سونداي-اق پرەزيدەنتتىڭ تۋىستارىنىڭ مەملەكەتتىك قىزمەتتەردى اتقارۋىنا جول بەرمەۋگە باعىتتالعان.
ق.توقاەۆ داۋىس بەرۋدى «سۋپەرپرەزيدەنتتىك باسقارۋدان اۋىسۋ» دەپ سيپاتتادى. سونداي-اق پارلامەنتتى كۇشەيتىپ, نازارباەۆتىڭ ەلباسى كونستيتۋتسيالىق اتاعىن الىپ تاستاۋدى كوزدەيدى. ء«بىز ەكىنشى رەسپۋبليكانىڭ نەگىزىن قالاپ جاتىرمىز», دەدى توقاەۆ داۋىس بەرۋ قارساڭىندا حالىققا جولداعان ۇندەۋىندە. 1995 جىلى جالپىحالىقتىق داۋىس بەرۋ ارقىلى قابىلدانعان قولدانىستاعى كونستيتۋتسيانىڭ ۇشتەن بىرىنە تۇزەتۋلەر ەنگىزىلمەك.