ليبەرالدانۋعا اشىلعان جول

مۇنايعا باي قازاقستانداعى رەفورما توقاەۆقا ەكىنشى مارتە سايلاۋعا ءتۇسۋى ءۇشىن قاجەتتى ساياسي ۇپاي جيناۋىنا كومەكتەسەدى. ەندىگى داۋىس بەرۋ ەكس-پرەزيدەنت نۇرسۇلتان نازارباەۆتىڭ ارالاسۋىنسىز وتپەك.

نازارباەۆتىڭ وتىز جىلعا جۋىق بيلىك قۇرىپ, كەنەتتەن پرەزيدەنتتىك لاۋازىمىن بوساتقان 2019 جىلدان بەرى مەملەكەت باسشىسى اتانعانىمەن, توقاەۆ بيىل عانا دەربەس ارەكەت ەتە باستادى. قاڭتارداعى قىرعىننان كەيىن نازارباەۆ پەن ونىڭ تۋىستارىن بيلىكتەگى ماڭىزدى لاۋازىمداردان بوساتتى.

رەفورمادا شەشىم قابىلداۋدى ءارتاراپتاندىرۋ جانە پارلامەنتكە ءارتۇرلى ساياسي پارتيالاردىڭ كىرۋى­نە مۇمكىندىك بەرەتىن قادامدار قامتىلعان. سون­داي-اق نازارباەۆقا ءومىر بويىنا ارتىقشىلىقتار بەرگەن «ەلباسى» مارتەبەسىنەن ايىرۋ كوزدەلگەن.

دەگەنمەن پرەزيدەنت سوتتار مەن وبلىس باسشىلارىن تاعايىنداۋ, پارلامەنتتى تاراتۋ قۇزىرەتىن قولىندا ۇستاپ قالادى. توقاەۆ كونستيتۋتسياعا ەنگى­زىلگەن وزگەرىستەردى «سۋپەرپرەزيدەنتتىك مودەلدەن ىقپالدى پارلامەنتى بار پرەزيدەنتتىك رەسپۋبليكاعا ءوتۋ», دەپ سيپاتتادى. كەي ساراپشىلار رەفورمانى سىناعانىمەن, قازاقستاننىڭ بۇل قادامى پرەزيدەنتتىڭ قۇزىرەتىن شەكتەۋگە ارنالعانىن كورسەتەدى.

ء«بىز اتا زاڭىمىزدىڭ وتىزدان استام بابىنا وزگەرىس ەنگىزگەلى وتىرمىز. ونىڭ ءبارى ازاماتتارىمىزدىڭ مۇددەسىنە تولىق ساي كەلەدى. وسىلايشا مەملەكەتىمىزدى تۇبەگەيلى جاڭعىرتامىز. سول ارقىلى ەكىنشى رەسپۋب­ليكانىڭ نەگىزىن قالايمىز», دەدى رەفەرەندۋمنان ءبىر كۇن بۇرىن توقاەۆ. سونىمەن قاتار ول ءوزىنىڭ باستاماسىن حالىقتىڭ قولدايتىنىنا سەنىم ءبىلدىردى.

ورتالىق رەفەرەندۋم كوميسسياسى تۇسكە دەيىن جالپى ەلەكتوراتتىڭ 44 پايىزى داۋىس بەرگەنىن حابارلادى. ساراپشىلاردىڭ پىكىرىنشە, رەفەرەندۋم جانارماي باعاسىنىڭ كوتەرىلۋىنە قارسىلىق رەتىندە باستالعان نارازىلىق ءىس-شارالارىنا جاۋاپ رەتىندە ۇيىمداستىرىلىپ وتىر.

توقاەۆ سونداي-اق جوعارى تابىسى بار ادامدارعا سالىقتى ارتتىرۋعا شاقىرىپ, الەۋمەتتىك ادىلەت جاڭا قوعامنىڭ نەگىزى بولاتىنىن ايتتى. ىشكى ساياسات ماسەلەلەرىن شەشۋ وتە كۇردەلى گەوساياسي احۋالمەن اينالىسۋعا مۇمكىندىك بەرمەك.