ەلىمىزدىڭ قاۋىپسىزدىگىنە تونەتىن قاۋىپ-قاتەر از ەمەس. بۇل تۋرالى پرەزيدەنت قاسىم-جومارت توقاەۆ ءمالىم ەتتى, دەپ حابارلايدى Egemen.kz.
مەملەكەت باسشىسى ەلورداداعى وقۋشىلار سارايىندا ورنالاسقان №59 رەفەرەندۋم ۋچاسكەسىندە داۋىس بەرگەننەن كەيىن, تىلشىلەر ساۋالىنا جاۋاپ بەردى. تىلشىلەر ق.توقاەۆتان پرەزيدەنت رەتىندە بۇلجىتپاي ۇستاناتىن قاعيدالارىن سۇرادى. بۇل تۇرعىدا قاسىم-جومارت توقاەۆ حالقىمىزعا ادال قىزمەت ەتۋ, كونستيتۋتسيامىزدى قاتاڭ ساقتاۋ باستى قاعيدات ەكەنىن اتاپ ءوتتى.
«الدىمىزدا تۇرعان ماقساتىمىز بەن جۇمىسىمىز وتە اۋقىمدى. ءبارىمىز ەل بولىپ جۇمىس ىستەۋىمىز كەرەك. ەلىمىزدىڭ قاۋىپسىزدىگىنە تونەتىن قاۋىپ-قاتەر از ەمەس. سوندىقتان ەلىمىز بۇل باعىتتا قىراعىلىق تانىتۋى كەرەك», دەدى مەملەكەت باسشىسى.
پرەزيدەنت قازاقستان ءبىرتۇتاس مەملەكەت رەتىندە سىن-قاتەرگە تويتارىس بەرۋى قاجەت ەكەنىن قاداپ ايتتى.
بۇدان بۇرىن حابارلانعانداي, مەملەكەت باسشىسى ەلورداداعى وقۋشىلار سارايىندا ورنالاسقان №59 داۋىس بەرۋ ۋچاسكەسىنە كەلىپ, رەسپۋبليكالىق رەفەرەندۋمدا ءوز تاڭداۋىن جاسادى.