قر مەملەكەتتىك حاتشىسى ەرلان قارين «فرانتسيا – ورتالىق ازيا» پارلامەنتتىك دوستىق توبىنىڭ توراعاسى ەرۆە مورە باستاعان فرانتسيا سەناتىنىڭ دەلەگاتسياسىمەن كەزدەستى, دەپ حابارلايدى Egemen.kz اقوردانىڭ ءباسپاسوز قىزمەتىنە سىلتەمە جاساپ.
كەزدەسۋ بارىسىندا تاراپتار قازاقستان مەن فرانتسيا اراسىنداعى ىنتىماقتاستىقتىڭ قازىرگى احۋالىن جانە ستراتەگيالىق ارىپتەستىكتىڭ دامۋ پەرسپەكتيۆالارىن, ونىڭ ىشىندە پارلامەنتارالىق دەڭگەيدەگى قارىم-قاتىناستى وڭ باعالادى.
ەرلان قارين فرانتسۋز سەناتورلارىنا 5 ماۋسىم كۇنى رەفەرەندۋمعا شىعارىلىپ وتىرعان كونستيتۋتسيالىق رەفورمالاردىڭ ءمانى مەن ماڭىزى تۋرالى ايتتى.
فرانتسيالىق دەلەگاتسيانىڭ جەتەكشىسى ە.مورە قازاقستاندا ىسكە اسىرىلىپ جاتقان ساياسي جاڭعىرتۋ باعدارلاماسىنىڭ اۋقىمى كەڭ ەكەنىن اتاپ ءوتتى.
كەزدەسۋدە تاراپتار حالىقارالىق جانە وڭىرلىك دەڭگەيدەگى بىرقاتار ماسەلە بويىنشا پىكىر الماستى.