قازاقستاندىق وقۋشىلار فيزيكا پانىنەن ءححىى ازيا وليمپياداسىندا 5 مەدال جەڭىپ الىپ, ۇزدىك ۇشتىككە ەندى. ۇلتتىق قۇراما قورجىنىندا 1 كۇمىس جانە 4 قولا مەدال بار, دەپ حابارلايدى Egemen.kz ءبىلىم جانە عىلىم مينيسترلىگىنە سىلتەمە جاساپ.
ء«بىلىم جانە عىلىم مينيسترلىگى وقۋشىلارىمىزعا باسقا ەلدەردىڭ جاسوسپىرىمدەرىمەن جارىسقا ءتۇسۋ مۇمكىندىگىن ارتتىرۋ ءۇشىن بارلىق جاعدايدى جاساپ جاتىر. جاقىندا عانا وقۋشىلارىمىز حيميا پانىنەن 56-شى حالىقارالىق مەندەلەەۆ وليمپياداسىندا 8 مەدال جەڭىپ الدى. سونداي-اق وقۋشىلارىمىز العاش رەت فرانتسياداعى دۇنيەجۇزىلىك گيمنازياداعا قاتىسىپ, ۇزدىك ۇشتىككە ەندى. فيزيكا پانىنەن ازيا وليمپياداسى - ەڭ قيىن وليمپيادالاردىڭ ءبىرى بولىپ ەسەپتەلەتىنىن ايتا كەتكەن ءجون. ال, ءبىز الەمدىك پاندىك وليمپيادالاردا ءداستۇرلى تۇردە كوشباسشى سانالاتىن ەلدەردى دە باسىپ وزدىق. وقۋشىلارىمىز 5 مەدالمەن قوسا 2 قۇرمەت گراموتاسىنا يە بولدى», دەدى «دارىن» رەسپۋبليكالىق عىلىمي-پراكتيكالىق ورتالىعىنىڭ ورىنباسارى نۇرلان جۇماگەلدى.
فيزيكا پانىنەن ازيا وليمپياداسىنداعى جەڭىس وقۋشىلارعا ۇلتتىق قۇراماعا ەنۋگە جانە قازاقستاننىڭ نامىسىن حالىقارالىق فيزيكا وليمپياداسىندا (IPhO) قورعاۋعا مۇمكىندىك بەرەدى.
رەسپۋبليكا نامىسىن الەمدىك ارەنادا نۇر-سۇلتان, الماتى, پاۆلودار, اتىراۋ جانە اقتوبە قالالارىنان 10-11 سىنىپتاردىڭ 8 وقۋشىسى قورعادى. ولاردىڭ بارلىعى رەسپۋبليكالىق فيزيكا وليمپياداسىنىڭ جەڭىمپازدارى مەن جۇلدەگەرلەرى.
بيىل زياتكەرلىك سايىستار 24-31 مامىر ارالىعىندا قاشىقتىق فورماتىندا ءوتتى. وعان قىتاي, مالايزيا, رۋمىنيا, رەسەي, سينگاپۋر, ساۋد ارابياسى, تۇركيا, تايلاند, وڭتۇستىك كورەيا, قىرعىزستان جانە باسقا الەمنىڭ 27 ەلىنىڭ وكىلدەرى قاتىستى.