وپەك+ ەلدەرىنىڭ اعىمداعى ءوندىرۋ دەڭگەيىن شىلدەدە تاۋلىگىنە 0,648 ملن باررەلگە ۇلعايتۋدى جالعاستىرۋ قاجەت. بۇل تۋرالى بۇگىن وپەك+ كەلىسىمىنە قاتىسۋشى ەلدەردىڭ بەينەكونفەرەنتسيا فورماتىندا وتكەن وتىرىسىندا ايتىلدى, دەپ حابارلايدى Egemen.kz ەنەرگەتيكا مينيسترلىگىنىڭ ءباسپاسوز قىزمەتىنە سىلتەمە جاساپ.
وتىرىس بارىسىندا ءساۋىر ايىندا ەلدەردىڭ كەلىسىم بويىنشا مىندەتتەمەلەرىن ورىنداۋى تالقىلاندى. وعان قازاقستان اتىنان ەنەرگەتيكا ۆيتسە-ءمينيسترى اسەت ماعاۋوۆ قاتىستى.
«وتىرىس قورىتىندىسى بويىنشا وپەك+ ەلدەرىنىڭ اعىمداعى ءوندىرۋ دەڭگەيىن شىلدە ايىندا تاۋلىگىنە 0,648 ملن باررەلگە ۇلعايتۋدى جالعاستىرۋ جانە ارتىق ءوندىرۋ وتەماقىسى كەزەڭىن 2022 جىلعى جەلتوقسانعا دەيىن ۇزارتۋ تۋرالى شەشىم قابىلداندى», دەلىنگەن مينيسترلىك مالىمدەمەسىندە.