اقتوبەدە جۇك كولىگى مەن ەكى اۆتوبۋس سوقتىعىستى. جارالانعان جولاۋشىلاردى دارىگەرلەر قارادى, دەپ حابارلايدى Egemen.kz.
بۇگىن اقتوبە قالاسىندا جول-كولىك اپاتى بولىپ, جۇك كولىگى مەن №21 جانە №45 باعىتتاعى اۆتوبۋستار سوقتىعىستى.
«سامارا-شىمكەنت تاسجولىندا «حوۆو» ماركالى جۇك كولىگى جىلدامدىقتى باسەڭدەتپەي, №21 باعىتتاعى اۆتوبۋسقا سوقتىعىستى. سول كەزدە اۆتوبۋستا 45 جولاۋشى بولعان. №21 باعىتتاعى اۆتوبۋس قوزعالىپ, ول №45 باعىتتاعى اۆتوبۋسقا سوقتىقتى. وندا 33 جولاۋشى بولعان. جول-كولىك اپاتىنان كەيىن جەتى جولاۋشى ءتۇرلى دەنە جاراقاتىمەن جەدەل جاردەم اۋرۋحاناسىنا ءتۇستى», دەدى وبلىستىق پد ءباسپاسوز قىزمەتىنىڭ جەتەكشىسى ەربولات سارقۇلوۆ.
ايانا توعانبەك