قر پرەزيدەنتى اكىمشىلىگى باسشىسىنىڭ ورىنباسارى, قازاقستان رەسپۋبليكاسى پرەزيدەنتى جانىنداعى ايەلدەر ىستەرى جانە وتباسىلىق-دەموگرافيالىق ساياسات جونىندەگى ۇلتتىق كوميسسيانىڭ ءتورايىمى ايدا بالاەۆا «بۇۇ-ايەلدەر» جاھاندىق قۇرىلىمى اتقارۋشى ديرەكتورىنىڭ ورىنباسارى انيتا بحاتيامەن كەزدەستى, دەپ حابارلايدى Egemen.kz.
كەزدەسۋ بارىسىندا قازاقستاننىڭ بۇۇ-ايەلدەر قۇرىلىمىمەن ىنتىماقتاستىعىنىڭ بىرقاتار وزەكتى ماسەلەلەرى تالقىلاندى. ۇلتتىق كوميسسيا توراعاسى قازاقستان رەسپۋبليكاسى مەن بۇۇ-ايەلدەر قۇرىلىمى ىنتىماقتاستىعىنىڭ جوعارى دەڭگەيىن اتاپ ءوتتى. گەندەرلىك تەڭدىككە قول جەتكىزۋ, ايەلدەردىڭ قۇقىقتارى مەن مۇمكىندىكتەرىن كەڭەيتۋ, تۇرمىستىق زورلىق-زومبىلىقتىڭ الدىن الۋ ماسەلەلەرى بويىنشا جوبالاردى ىسكە اسىرۋعا بۇۇ-ايەلدەر ەلدىك كەڭسەسىنىڭ بەلسەندى قاتىسۋى وسى سالالاردا ايتارلىقتاي تابىستارعا قول جەتكىزۋگە مۇمكىندىك بەردى.
ايدا بالاەۆا بۇۇ-ايەلدەر قۇرىلىمى قر پرەزيدەنتىنىڭ جانىنداعى ايەلدەر ىستەرى جانە وتباسىلىق-دەموگرافيالىق ساياسات جونىندەگى ۇلتتىق كوميسسيانىڭ نەگىزگى ستراتەگيالىق ارىپتەسى ەكەنىن, ونىمەن بىرلەسىپ بىرقاتار جوبالار مەن زەرتتەۋلەر تابىستى ىسكە اسقانىن اتاپ ءوتتى.
قر پرەزيدەنتى اكىمشىلىگى باسشىسىنىڭ ورىنباسارى «وتباسىنداعى زورلىق-زومبىلىقسىز قازاقستان» كوپسالالى پيلوتتىق جوباسىن ىسكە اسىرۋعا, بارلىق وڭىرلەردە ايەلدەر كاسىپكەرلىگىن قولداۋ ورتالىقتارىن اشۋعا, بيۋدجەتتى گەندەرلىك-باعدارلانعان قالىپتاستىرۋدى ەنگىزۋ جونىندەگى جوبالارعا قولداۋ كورسەتكەنى ءۇشىن ريزاشىلىعىن ءبىلدىردى.
سونداي-اق بۇۇ قاۋىپسىزدىك كەڭەسىنىڭ بەيبىتشىلىك پەن قاۋىپسىزدىكتى قامتاماسىز ەتۋگە ايەلدەردىڭ تەڭ قۇقىلى قاتىسۋى جونىندەگى قارارلارىن ىسكە اسىرۋ, ايەلدەردىڭ مۇمكىندىكتەرىن كەڭەيتۋ سالاسىندا تاجىريبە الماسۋ ءۇشىن ءبىلىم پلاتفورماسىن قۇرۋ, ءىس-قيمىل كواليتسيالارى جونىندەگى جاھاندىق باستاما جانە ورتالىق ازيا مەن اۋعانستانعا ارنالعان Spotlight Initiative وڭىرلىك باعدارلاماسى شەڭبەرىندە قازاقستاننىڭ مىندەتتەمەلەرىن ىسكە اسىرۋعا جاردەمدەسۋ ماسەلەلەرىندە ايەلدەردىڭ جوعارى ۇلەسى مەن كۇش-جىگەرى اتاپ ءوتىلدى.
تاراپتار ىنتىماقتاستىقتىڭ قازىرگى دامۋ قارقىنىنا قاناعاتتاناتىندىقتارىن ءبىلدىرىپ, بىرلەسكەن جوبالاردى جۇزەگە اسىرۋ ماسەلەلەرىن تالقىلادى. قازاقستاندا ايماقتىق گەندەرلىك ءبىلىم ورتالىعىن قۇرۋ مۇمكىندىگىنە ەرەكشە نازار اۋدارىلدى. ورتالىقتىڭ اشىلۋى گەندەرلىك تەڭدىكتى قامتاماسىز ەتۋ, ورتالىق ازياداعى ايەلدەردىڭ بولاشاعىن, جاعدايىن جانە قاجەتتىلىكتەرىن تالداۋ ءۇشىن قاجەتتى تاجىريبەنى مەن رەسۋرستاردى ايماقتا تاراتۋعا ىقپال ەتەدى.
وتىرىس سوڭىندا ۇلتتىق كوميسسيا توراعاسى ا.گ.بالاەۆا بحاتيا حانىمعا جانە قازاقستانداعى وكىلدىگىنىڭ باسشىسى ماريا دوتسەنكو حانىمعا جەمىستى جۇمىسى ءۇشىن العىس ايتىپ, قازاقستان ايەلدەردىڭ قۇقىقتارىن كەڭەيتۋ بويىنشا العا قويىلعان ماقساتتاردى ءارى قاراي دا ۇستاناتىنى جانە بىرلەسكەن جوبالار مەن باستامالاردى قولدايتىنى تۋرالى سەندىردى.