«ارسەلورميتتال تەمىرتاۋ» اق مەتاللۋرگيا كومبيناتىنا ەۋروپالىق وداق پەن نيدەرلاندى كورولدىگىنىڭ قازاقستانداعى توتەنشە جانە وكىلەتتى ەلشىلەرى كەلدى, دەپ حابارلايدى Egemen.kz.
«ارسەلورميتتال تەمىرتاۋ» اق - ءىشىنارا ەۋروپالىق كومپانيالاردىڭ ءبىرى. ەۋرووداق پەن قازاقستان اراسىندا كەڭەيتىلگەن ارىپتەستىك پەن ىنتىماقتاستىق تۋرالى شارت جاسالدى. سونىڭ ارقاسىندا ەۋرووداق پەن قازاقستان اراسىنداعى ساۋدا تەك دامىپ كەلەدى. بىزگە جاسىل ەنەرگەتيكا مەن ەكونوميكاعا كوشۋ ءۇشىن سەرىكتەس قاجەت. مەنىڭ ويىمشا, قازاقستانعا دا جۇمىس ورىندارىن اشۋ ءۇشىن زاماناۋي تەحنولوگيالار, جاڭا ينۆەستورلار قاجەت. جاقىن ارادا ءبىز بۇل تاقىرىپتى ۇكىمەتپەن تالقىلايتىن بولامىز. ءبىز ىنتىماقتاستىقتىڭ جاڭا باعىتتارىن ىزدەستىرۋ ءۇشىن بار كۇشىمىزدى سالامىز», دەدى ەۋروپالىق وداقتىڭ قازاقستان رەسپۋبليكاسىنداعى ەلشىسى كەستۋتيس يانكاۋسكاس مىرزا.
«ارسەلورميتتال تەمىرتاۋ» اق باسشىلىعى ديپلوماتتار ءۇشىن مەتاللۋرگيا كومبيناتى بويىنشا ەكسكۋرسيا وتكىزدى. قوناقتار №3 دومنا پەشىنە بارىپ, شويىن ءوندىرۋ پروتسەسىن باقىلادى.
ودان ءارى قوناقتار ىستىق مىرىشتاۋ جانە اليۋمينيلەۋ تسەحىن ارالاپ, جۇمىسىمەن تانىستى.
ەۋروپالىق وداق پەن نيدەرلاند كورولدىگى دەلەگاتسياسىنىڭ قازاقستان رەسپۋبليكاسىنداعى مۇشەلەرى كومپانيامەن ىنتىماقتاستىقتىڭ كەلەشەگى زور ەكەنىن اتاپ ءوتتى.
«اتالعان مەتاللۋرگيا كومبيناتىندا ساپالى ءونىم وندىرىلەتىنىنە كوزىمىزدى جەتكىزدىك», دەپ اتاپ ءوتتى نيدەرلاندى كورولدىگىنىڭ قازاقستان رەسپۋبليكاسىنداعى ەلشىسى اندرە كارستەنس مىرزا.