ماڭعىستاۋ وبلىسى اكىمىنىڭ ورىنباسارى عالىمجان نيازوۆتى ۇيقاماقتا ۇستاۋ مەرزىمى 24 ماۋسىمعا دەيىن ۇزاردى. بۇل تۋرالى ماڭعىستاۋ وبلىستىق سوتىنىڭ ءباسپاسوز قىزمەتىنىڭ وكىلى ايتتى, دەپ حابارلايدى Egemen.kz.
سوتتا نيازوۆتى ۇيقاماقتا ۇستاۋ مەرزىمى ۇزارعانى ايتىلدى.
«اقتاۋ مامانداندىرىلعان تەرگەۋ سوتىنىڭ قاۋلىسىمەن ماڭعىستاۋ وبلىسى اكىمىنىڭ ورىنباسارى عالىمجان نيازوۆقا قاتىستى ۇيقاماق تۇرىندەگى بۇلتارتپاۋ شاراسى 2022 جىلعى 24 مامىردان 24 ماۋسىمعا دەيىن ۇزاردى», دەلىنگەن حابارلامادا.
ايتا كەتەيىك, عالىمجان نيازوۆ اقتاۋ قالالىق مامانداندىرىلعان تەرگەۋ سوتىنىڭ 17 ساۋىردەگى, 27 ساۋىردەگى جانە 17 مامىرداعى زاڭدى كۇشىنە ەنگەن قاۋلىلارى بويىنشا 24 مامىردا جۇمىسقا ورالعان ەدى. سونىمەن قاتار اكىم ورىنباسارىنىڭ لاۋازىمىندا قالۋى سوت شەشىمىنە بايلانىستى ەكەنى ايتىلدى. ول ءبىر اپتادان كەيىن وزگەردى.
ەسكە سالايىق, بۇعان دەيىن ماڭعىستاۋ اكىمىنىڭ ورىنباسارى عالىمجان نيازوۆتىڭ قاماۋعا الىنعانى حابارلانعان بولاتىن. كەيىنىرەك ۇيقاماققا الىنعانى ايتىلدى. 24 مامىردا اقپاندا قاماۋعا الىنعان اكىمىنىڭ ورىنباسارى جۇمىسقا شىققانى بەلگىلى بولدى.
گۇلدانا ەلۋباي