حالىقارالىق بالالاردى قورعاۋ كۇنى ەلوردادا 80-گە جۋىق ءسابي دۇنيەگە كەلدى, دەپ حابارلايدى Egemen.kz نۇر-سۇلتان اكىمدىگىنىڭ رەسمي سايتىنا سىلتەمە جاساپ.
1 ماۋسىم كۇنى كەشكە دەيىن استاناداعى كوپبەيىندى اۋرۋحانالاردىڭ بوسانۋ بولىمشەلەرىندە 78 بالا تۋدى, ونىڭ 37-ءسى – قىز, 41-ءى – ۇل.
باقىتتى انالاردى قالا اكىمدىگى اتىنان قوعامدىق دەنساۋلىق ساقتاۋ باسقارماسىنىڭ باسشىسى تيمۋر مۇراتوۆ قۇتتىقتاپ, شاھار باسشىسى التاي كولگىنوۆتىڭ العىس حاتىن تابىستادى.
سابيلەردىڭ انالارىنا ەستەلىك سىيلىقتار – بالالار اربالارى, جاڭا تۋعان نارەستەلەردىڭ كورپەشەسى جانە تاعى باسقاسى تارتۋ ەتىلدى. كەيبىر بالالار تۋ تۋرالى كۋالىكتەرىن دە الىپ ۇلگەرگەن.
ايتا كەتەيىك, وسى كۇنى قالالىق مامانداندىرىلعان بالالار ۇيىندە دە مەرەكەلىك شارا ءوتتى. ونداعى بۇلدىرشىندەردى قالا اكىمدىگى, قوعامدىق قورلار, باسقا ەلدەر ەلشىلىكتەرىنىڭ وكىلدەرى قۇتتىقتادى. قالالىق ەمحانالاردا انيماتورلار قاتىسقان اشىق ەسىك كۇندەرى, مەرەكەلىك باعدارلامالار ءوتتى.