ءار ازاماتتىڭ قاسيەتتى بورىشى

پارتيا وتىرىسىن اشقان في­ليال توراعاسى, ەكونومي­كا عى­­لىمدارىنىڭ دوكتورى ءسابيت ەسمۇرا­توۆ الداعى ساياسي ناۋقاننىڭ ازاماتتىق قو­عام قالىپتاستىرۋداعى ورنى ەرەكشە ەكە­نىن اتاپ ءوتىپ, 5 ماۋسىم­دا سايلاۋ ۋچاسكەسىنە بارىپ, تىكەلەي داۋىس بەرۋ ەل تاعدىرىنا بەي­جاي قارامايتىن ءاربىر تۇر­عىن­نىڭ ازاماتتىق بورىشى ەكەنىن باسا ايتتى.

– بۇگىندە پارتيا مۇشەلەرى اۋىل-اۋىلدى ارالاپ, اۋىل­شار­ۋاشىلىق قۇرىلىمدارى ۇجىم­دا­رىمەن كەزدەسىپ, رەفەرەندۋم توڭىرەگىندە سويلەسىپ, پىكىر الىسىپ, قاراپايىم تۇرعىنداردىڭ تۇسىنبەگەن دۇنيەلەرىن بىرلەسىپ تالقىلاپ, ءتۇسىندىرۋ جۇمىستارىن اتقارىپ جاتىر. 5 ماۋسىم – ەل­دى­گىمىز بەن بىرلىگىمىز سىنالاتىن اسا جاۋاپتى, ماڭىزدى كۇن. وسىنى دۇرىس تۇسىنگەن اۋىل جۇرت­­­شىلىعى رەفەرەندۋمعا ءبىر كىسى­دەي قاتىسىپ, داۋىس بەرۋگە دايىن وتىر, – دەدى پارتيا في­ليا­لىنىڭ توراعاسى.

م.دۋلاتوۆ اتىنداعى قوستا­ناي ينجەنەرلىك-ەكونو­مي­كا­لىق ۋنيۆەرسيتەتىنىڭ پروفەس­سورى رايسا پريتۋلا بۇل جولعى رەفەرەندۋمدى «جاپپاي رە­فور­ما­لار­دىڭ باستاۋى» دەپ با­عالاپ, الداعى ساياسي ناۋقاننىڭ ناتي­جەسىندە مەملەكەتتىك جۇيە­دەگى دەموكراتيالىق ينستي­تۋت­تار­دىڭ بەلسەندىلىگى ارتا تۇسە­تىنىن العا تارتتى.

وبلىستىق قوعامدىق كەڭەستىڭ مۇشەسى دەنيس كاچەەۆتىڭ پىكى­رىن­شە, الداعى جەكسەنبى بۇكىل ەل بولىپ جاڭا رەسپۋبليكانىڭ ىرگە­تاسىن قالايتىن كۇن.

– قازاقستان كونستيتۋتسياسى ۇلتتىق ساياسي-قۇقىقتىق جۇيەنىڭ وزەگى, ەلدىڭ مەملەكەتتىلىگى مەن ەگەمەندىگىنىڭ قۇقىقتىق نەگىزى, ادام بوستاندىعى مەن مەملەكەت مۇددەسىنىڭ كەپىلى. رەفەرەندۋم – حالىق بيلىگىنىڭ ايقىن ۇلگىسى, ءاربىر قاراپايىم تۇرعىننىڭ ءوز ازاماتتىق ۇستانىمىن ءبىلدىرۋ ارقىلى جاڭا قازاقستاندى قۇ­رۋ­عا تىكەلەي ۇلەس قوسۋىنىڭ جار­قىن كورىنىسى. مەملەكەت باسشىسى قاسىم-جومارت توقاەۆتىڭ جاڭا قازاقستاندى, ەكىنشى رەسپۋبليكا قۇرۋ يدەياسىنىڭ رەفەرەندۋم وتكى­زۋدەن باستاۋ الۋى ەل دا­مۋىن­­دا ەرەكشە ورىن الاتىن تا­ري­­حي وقيعا, – دەدى د.كاچەەۆ.

جيىن سوڭىندا «اۋىل» حا­لىق­تىق دەموكراتيالىق پات­ريوت­تىق پارتياسىنىڭ وكىل­دەرى بىر­قا­تار كاسىپكەرلەر مەن ۇس­تازدار قويعان ساۋالدارعا جاۋاپ بەردى.

قوستاناي وبلىسى