اقتاۋ قالالىق سوتىنىڭ ۇكىمىمەن وبلىستىق اۋىل شارۋاشىلىعى باسقارماسى باسشىسىنىڭ بۇرىنعى ورىنباسارىنا ءىرى ايىپپۇل سالىندى, دەپ حابارلايدى Egemen.kz.
«وسى جىلدىڭ 30 مامىرىندا اقتاۋ قالالىق سوتىنىڭ ۇكىمىمەن اۋىل شارۋاشىلىعى باسقارماسى باسشىسىنىڭ بۇرىنعى ورىنباسارى باقتىباي ىزىمتاەۆ كۇن پانەلدەرىن جەتكىزۋشىلەردەن سۋبسيديا بەرۋ كەزىندە جالپى قامقورلىعى ءۇشىن پارا الۋ فاكتىسى بويىنشا كىنالى دەپ تانىلىپ, وعان 28 ميلليون تەڭگە كولەمىندە ايىپپۇل تاعايىندالدى. سونىمەن قاتار ول مەملەكەتتىك ورگانداردا قىزمەت اتقارۋ قۇقىعىنان ءومىر بويىنا ايىرىلدى», دەلىنگەن ANTIKOR حابارلاماسىندا.سونداي-اق كۇن پانەلدەرىن جەتكىزۋشىلەر شىنبولات قۇمار, جاقسىلىق ارالباەۆ پارا بەرگەنى ءۇشىن سوتتالىپ, ارقايسىسىنا 2,6 ميلليون تەڭگە كولەمىندە ايىپپۇل سالىندى.سوت «بايسىرىموۆ» جك يەسىن جالعان قۇجاتتاردى ۇسىنۋ ارقىلى سۋبسيديا سوماسىن العان الاياقتىق فاكتىسى بويىنشا كىنالى دەپ تانىپ, وعان 3 جىلعا باس بوستاندىعىن شەكتەۋ تاعايىندادى.«سوتتالعانداردىڭ قىلمىستىق ءىس-ارەكەتى ناتيجەسىندە مەملەكەتكە 6,9 ميلليون تەڭگە كولەمىندە زالال كەلتىرىلدى», دەپ قوستى اگەنتتىكتىڭ ءباسپاسوز قىزمەتى.