قازاقستاندا نان باعاسىنىڭ وسۋىنە ەش سەبەپ جوق. بۇل تۋرالى اۋىل شارۋاشىلىعى ءمينيسترى ەربول قاراشوكەەۆ ايتتى, دەپ حابارلايدى Egemen.kz.
«بيداي باعاسى ءوسىپ جاتىر, سالدارىنان نان قىمباتتاۋى مۇمكىن بە؟», دەپ سۇراق قويدى تىلشىلەر ۇكىمەتتە وتكەن بريفينگتە.
ء«يا, شىن مانىندە, بيدايدىڭ الەمدىك باعاسى ءوسىپ كەلەدى. بىراق وزدەرىڭىز بىلەسىزدەر, بىزدە ازىق-ت ۇلىك كەلىسىمشارتى كورپوراتسياسى بيداي قورىن قۇردى. قازىرگى ۋاقىتتا الەۋمەتتىك نان ءۇشىن وڭىرلەرگە ارزانداتىلعان استىق جەتكىزىلىپ جاتىر. سوندىقتان باعا تۇراقتى بولادى. نان باعاسىنىڭ وسۋىنە ەش سەبەپ جوق جانە بولمايدى دا. سەبەبى ءبىزدىڭ كولەمىمىز ىشكى نارىقتى قامتاماسىز ەتۋ ءۇشىن جەتكىلىكتى», دەدى ەربول قاراشوكەەۆ.