3,3 ملن وقۋشى جازعى دەمالىس لاگەرىمەن قامتىلادى. بۇل تۋرالى بۇگىن ۇكىمەت وتىرىسىندا ءبىلىم جانە عىلىم ۆيتسە-ءمينيسترى شولپان كارينوۆا ايتتى, دەپ حابارلايدى Egemen.kz.
«بالالاردىڭ جازعى دەمالىسى مەن بوس ۋاقىتىن ۇيىمداستىرۋ ەرەكشە نازاردا. ونىڭ تيىمدىلىگىن ارتتىرۋ, كادرلىق الەۋەتىن دامىتۋ بويىنشا جۇمىس جۇرگىزىلدى. مامىر ايىندا بالالار لاگەرلەرىنىڭ ستۋدەنتتىك پەداگوگيكالىق جاساقتارىنىڭ قاتىسۋىمەن «بالالىق شاق ناۆيگاتورلارى» رەسپۋبليكالىق سلەتى وتكىزىلدى. جەرگىلىكتى اكىمدىكتەر دەمالىس لاگەرلەرىن, مەكتەپ جانىنداعى الاڭداردىڭ, جازعى مەكتەپتەردىڭ جاعدايىن قاراستىرىپ, جوندەۋ جۇمىستارىن جۇرگىزدى. وسىعان دەيىن ەكى جىل كارانتيندىك شەكتەۋلەرمەن دەمالىس ۇيىمداستىرۋ تولىق ىسكە اسىرىلماعان بولاتىن. ال بيىل جازعى ۋاقىتتا 3,3 ملن وقۋشىنى قامتۋدى جوسپارلاپ وتىرمىز. كورسەتكىش 31 پايىزعا ارتادى. دەسەك تە قالا سىرتى لاگەرلەرىنىڭ سانىن ارتتىرۋ قاجەتتىلىگى بار», دەدى ول.
ونىڭ ايتۋىنشا, بۇگىن بالالاردى قورعاۋ كۇنى مەملەكەت باسشىسىنىڭ قاتىسۋىمەن الماتى قالاسىندا 6 مىڭنان اسا بالانى قامتيتىن «بالافەست» مەرەكەلىك ءىس-شاراسى وتكىزىلىپ جاتىر.
«سونىمەن قاتار ءار وڭىردەن بالالاردىڭ نۇر-سۇلتان قالاسىنا ساياحاتى ۇيىمداستىرىلدى. وڭىرلەردە بالالار كۇنى مەرەكەسى اۋقىمدى فورماتتاردا ءوتىپ جاتىر», دەدى شولپان كارينوۆا.