ليۆيا جاعالاۋىندا اعاش جانە رەزەڭكە قايىقتارعا وتىرىپ, قۇرلىققا جەتە الماعان ءۇش جۇزگە جۋىق ادام قۇتقارىلدى, دەپ حابارلايدى Egemen.kz.
بوسقىنداردى Ocean Viking حالىقارالىق گۋمانيتارلىق كەمەسىنىڭ ەرىكتىلەرى قۇتقاردى.
ميگرانتتاردىڭ اراسىندا 49 بالا مەن 8 ايلىق ءسابيى بار ايەل دە بولعان. ولار سيتسيليا ارالىنا جەتكىزىلدى. يتاليانىڭ ىشكى ىستەر مينيسترلىگىنىڭ مالىمەتى بويىنشا ەۋروپاعا جىل باسىنان بەرى تەڭىز ارقىلى 19 مىڭداي بوسقىن كەلگەن.
– ۇزاق ۋاقىت تەڭىزدە ءجۇرىپ قالعان بۇل ادامدار ءتۇرلى جاراقات العان. قازىر شۇعىل مەديتسينالىق كومەك كورسەتىلىپ جاتىر. ولار كوپ قيىندىق كورگەن, جەرورتا تەڭىزىندە اعاش جانە رەزەڭكە قايىقتارعا وتىرىپ, 10 كۇن بويى قۇرلىققا جەتە الماي ابدەن قاجىعان, – دەيدى بايلانىس قىزمەتىنىڭ وفيتسەرى كانديدا لوپەس.گۇلدانا ەلۋباي