فرانتسيادا مايمىلشەشەك اۋرۋىن جۇقتىرۋدىڭ 16 جاعدايى تىركەلدى, دەپ حابارلايدى Egemen.kz France Bleu سايتىنا سىلتەمە جاساپ.
فرانتسيانىڭ قوعامدىق دەنساۋلىق ساقتاۋ قىزمەتى مايمىلشەشەك اۋرۋى انىقتالعان ناۋقاستار باقىلاۋعا الىنىپ, تۇرعىندارعا ەكپە ەگىلە باستاعانىن حابارلادى.
الەمدە اتالعان دەرت راستالعان ەلدەردىڭ سانى كۇن ساناپ ءوسىپ جاتىر. ونىڭ بەلگىلەرى 14-تەن 21 كۇنگە دەيىن سوزىلادى. ىندەت جۇقتىرعان ناۋقاس دەنە قىزۋىن, تەرىنىڭ زارداپ شەككەن جەرلەرىندە قىشۋ نەمەسە اۋىرسىنۋدى سەزىنەدى. كەيبىر جاعدايلاردا ينفەكتسيانىڭ اۋىر ءتۇرى دە بايقالۋى مۇمكىن.
قازاقستاننىڭ دەنساۋلىق ساقتاۋ مينيسترلىگى الامدەگى جاعدايدى باقىلاپ وتىر. ۆەدومستۆو ازاماتتارعا اۋرۋدىڭ ورشۋىنە بايلانىستى كەيبىر افريكا ەلدەرىنە بارۋدان اۋلاق بولۋدى ۇسىندى.