ەۋروپالىق وداق باسشىلارى رەسەيدەن كەلەتىن مۇناي يمپورتىنىڭ ۇشتەن ەكىسىنەن استامىنا توسقاۋىل قويۋ جوسپارىنا كەلىستى, دەپ حابارلدايدى Egemen.kz.
ەۋروپالىق كەڭەس باسشىسى چارلز ميشەل كەلىسىم رەسەيلىك اسكەري ماشينانى «قارجىلاندىرۋدىڭ ۇلكەن كوزىن» توقتاتتى دەپ مالىمدەدى.
بۇل بريۋسسەل سامميتىندە ماقۇلدانعان التىنشى سانكتسيالار پاكەتىنىڭ ءبىر بولىگى, ەو-عا مۇشە 27 ەلدىڭ بارلىعى كەلىسۋ كەرەك.
قازىرگى ۋاقىتتا رەسەي ەو-عا يمپورتتالاتىن مۇنايدىڭ 27 پايىزىن جانە گازدىڭ 40 پايىزىن قامتاماسىز ەتەدى. ونىڭ ورنىنا ەو رەسەيگە جىلىنا شامامەن 400 ميلليارد ەۋرو تولەيدى.
ازىرگە رەسەيدەن گەرمانياعا جاڭا گاز قۇبىرىن اشۋ جوسپارى توقتاتىلعانىمەن, رەسەيلىك گازدىڭ ەو-عا ەكسپورتىنا ەشقانداي سانكتسيا سالىنعان جوق.
ەۋرووداق مۇشەلەرى رەسەي مۇنايىنىڭ يمپورتىنا تىيىم سالۋعا بايلانىستى كەلىسپەۋشىلىكتەرمەن بىرنەشە ساعات بويى كۇرەسىپ, ۆەنگريا باستى قارسىلاس بولدى.
سلوۆاكيا مەن چەحيا سياقتى تەڭىزگە شىعا المايتىن باسقا ەلدەر دە رەسەيلىك مۇنايعا تاۋەلدى بولعاندىقتان كوبىرەك ۋاقىت سۇرادى.
گۇلدانا ەلۋباي