قارجى مينيسترلىگى اپپاراتىنىڭ باسشىسى ابزال بەيسەنبەك ۇلى قاراعاندى وبلىسى بويىنشا مەملەكەتتىك كىرىستەر دەپارتامەنتىنىڭ ۇجىمىنا جاڭا باسشىنى تانىستىردى. بۇل لاۋازىمعا ماديەۆ ءانۋار مارات ۇلى تاعايىندالدى, دەپ حابارلايدى Egemen.kz.
ءانۋار ماديەۆ 1983 جىلى قاراعاندى قالاسىندا تۋعان. ءبىلىمى بويىنشا - زاڭگەر, ەكونوميست, زاڭ عىلىمدارىنىڭ كانديداتى.
ب. بەيسەنوۆ اتىنداعى قر ءىىم قاراعاندى زاڭ ينستيتۋتىن, قازتۇتىنۋوداعى قاراعاندى ەكونوميكالىق ۋنيۆەرسيتەتىن تامامداعان.
ەڭبەك جولىن 2000 جىلى ىشكى ىستەر ورگاندارىندا باستاعان. مەملەكەتتىك قىزمەتتەگى ەڭبەك ءوتىلى 19 جىلدى قۇرايدى.
كولىك جانە كوممۋنيكاتسيا مينيسترلىگىندە ساراپشى, باس ساراپشى, قر پرەمەر-ءمينيسترى كەڭسەسىندە باس ساراپشى, قر قم سالىق كوميتەتىنىڭ قاراعاندى وبلىسى بويىنشا سالىق دەپارتامەنتى باسشىسىنىڭ ورىنباسارى, ۆەدومستۆولىق باقىلاۋ باسقارماسىنىڭ ساراپشىسى, قر قم مەملەكەتتىك كىرىستەر كوميتەتىنىڭ ەكسپورتتىق باقىلاۋ باسقارماسىنىڭ باسشىسى بولىپ جۇمىس ىستەدى.
2019 جىلعى ناۋرىزدان باستاپ وسى ۋاقىتقا دەيىن قر قم مەملەكەتتىك كىرىستەر كوميتەتىنىڭ ساۋدا اينالىمى باسقارماسىنىڭ باسشىسى قىزمەتىن اتقاردى.