حالىقارالىق پاندىك وليمپيادالاردىڭ, سپورتتىق جارىستاردىڭ جانە الەمدىك دەڭگەيدەگى شىعارماشىلىق بايقاۋلاردىڭ جەڭىمپازدارى مەن جۇلدەگەرلەرى ۇبت تاپسىرماي-اق جوو-عا گرانتقا تۇسۋگە مۇمكىندىك الدى, دەپ حابارلايدى Egemen.kz.
ءبىلىم جانە عىلىم ءمينيسترى اسحات ايماعامبەتوۆ ءتيىستى بۇيرىققا قول قويدى.
«حالىقارالىق وليمپيادالاردىڭ, سپورتتىق جانە شىعارماشىلىق بايقاۋلاردىڭ تىزبەسىن بەكىتۋ تۋرالى بۇيرىققا قول قويدىم. بۇگىن ءبىلىم جانە عىلىم مينيسترلىگى دۇنيەجۇزىلىك گيمنازيادا – 2022-ءنىڭ جەڭىمپازدارى مەن جۇلدەگەرلەرىن ماراپاتتاۋ ءراسىمىن وتكىزەدى. وقۋشىلارىمىز الەمنىڭ 70-تەن استام ەلىنەن كەلگەن جاسوسپىرىمدەردى باسىپ وزىپ, 86 مەدال جەڭىپ الدى. وسىلايشا ۇلتتىق قۇرامامىز ءىىى ورىندى يەلەنگەن بولاتىن. ەندى ولار ءبىرىنشى بولىپ جوو-دا وقۋ ءۇشىن گرانتتار الادى. جاس دارىندار مەملەكەت باسشىسىنىڭ شەشىمى ارقاسىندا وسىنداي قولداۋعا يە بولىپ وتىر», دەپ جازدى مينيستر الەۋمەتتىك جەلىدەگى پاراقشاسىندا.