قولا جۇلدەگە قول جەتكىزدى

اقش-تىڭ يۋدجين قالاسىندا ۇيىمداس­تىرىلعان ايگىلى جارىستىڭ ءۇشىنشى كەزەڭىندە وتانداسىمىز بيىكتىككە سەكىرۋ سىنىندا ونەر كورسەتىپ, ۇزدىكتەر قاتارىنان كورىندى. 24 جاستاعى جەرلەسىمىز باسەكە بارىسىندا 1,93 مەتر بيىكتىكتى باعىندىرىپ, «گاۋھار ليگاسىنىڭ» قولا جۇلدەگەرى اتاندى. ءۇشىنشى كەزەڭنىڭ باس جۇلدەسىن توكيو وليمپياداسىنىڭ قولا, 2019 جىلعى الەم چەمپيوناتىنىڭ كۇمىس جۇلدەگەرى ۋكراينالىق ياروسلاۆا ماگۋچيح (2 مەتر) جەڭىپ السا, امەريكالىق ۆاشتي كاننينگەم ەكىنشى ورىننان كورىندى. ونىڭ ناتيجەسى – 1,93 مەتر.

قازاقستاندىق جەڭىل اتلەت نادەجدا دۋبو­ۆيتسكايا بىلتىر ماۋسىم ايىندا الماتىدا وتكەن ەل چەمپيوناتىندا 2 مەتر بيىكتىكتى ەڭسە­رىپ, ازيا رەكوردىن جاڭارتقان بولاتىن. بۇل – دۋبو­ۆيتسكايانىڭ كارەراسىنداعى ەڭ ۇزدىك ناتي­جەسى. ال وعان دەيىنگى سارى قۇرلىقتىڭ ۇزدىك كورسەتكىشى تاعى ءبىر وتانداسىمىز مارينا ايتوۆاعا (1,99 م, 2009 ج) تيەسىلى-تۇعىن.

ايتا كەتەيىك, دۋبوۆيتسكايا «گاۋھار ليگاسى» جارىسىنا بيىل العاش رەت قاتىسىپ, جۇلدەگەرلەر قاتارىنان كورىنىپ وتىر. بۇعان دەيىن بۇل جارىسقا ولگا رىپاكوۆا بىرنەشە رەت قاتىسىپ, ەل قورجىنىنا جۇلدە سالىپ جۇرگەن ەدى.