پاۆلودار وبلىسىندا ۋلانعان جەتىنشى ادام كوز جۇمدى

وڭىرلىك دەنساۋلىق ساقتاۋ باسقارماسىنىڭ مالىمەتىنشە, 48 جاستاعى تۇرعىن پاۆلودار قالالىق №3 اۋرۋحاناسىنىڭ رەانيماتسياسىنا جاتقىزىلعان.

«ناۋقاس 1974 جىلى تۋعان, جاعدايى وتە اۋىر دەپ باعالاندى. وكىنىشكە قاراي, پاتسيەنتتى قۇتقارۋ مۇمكىن بولمادى. وسىلايشا, بەلگىسىز سۇيىقتىقتان ۋلانعان جەتى ادام دا قايتىس بولدى», دەپ ناقتىلادى ۆەدومستۆو.

ەسكە سالا كەتەيىك, پاۆلودار وبلىسىندا بەلگىسىز سۇيىقتىقتان 7 ادام ۋلانىپ, بەسەۋى قايتىس بولدى. كەيىن اۋرۋحاناعا جەتكىزىلگەن تاعى ءبىر ناۋقاس كوز جۇمعان.

ايتا كەتەيىك, پوليتسيا بۇكىل كوز جۇمعانداردىڭ ەرتىس اۋدانى تۇرعىنىنىڭ ۇيىندە ءبىر ىدىستا ساقتالعان شىعۋ تەگى بەلگىسىز سۇيىقتىقتى ىشكەنىن انىقتادى. ىدىس الىنىپ, سۇيىقتىقتىڭ قالدىعىنا ساراپتاما جاسالاتىن بولدى.

زەرتتەۋ ناتيجەسى بويىنشا ءولىمنىڭ سەبەبى انىقتالادى.