ارمەنيا جەرگە جاقىن وربيتاعا «SpaceX» كەمەسىمەن العاشقى عارىش سپۋتنيگىن ۇشىردى, دەپ حابارلايدى Egemen.kz.
ەلدىڭ پرەمەر-ءمينيسترى نيكول پاشينياننىڭ ايتۋىنشا, ارمەنيانىڭ «گەوكوسموس» جانە يسپاندىق «Satlantis» كومپانياسىنىڭ ىنتىماقتاستىعى ارقاسىندا «SpaceX» كەمەسى ارقىلى جەرگە جاقىن وربيتاعا وزدەرىنىڭ ءبىرىنشى عارىش سەرىگى ۇشىرىلدى.
ساياساتكەر سپۋتنيككە قاتىستى بارلىق شەشىمدەر جاسىرىن قابىلدانعانىن, سوندىقتان جۇرتشىلىق الدىن الا ەشتەڭە بىلمەگەنىن اتاپ ءوتتى.
سپۋتنيكتەن تۇسىرىلگەن سۋرەتتەر شەكارالىق باقىلاۋ, توتەنشە جاعدايلاردىڭ الدىن الۋ جانە قورشاعان ورتانى قورعاۋ ءۇشىن پايدالانىلادى.
ول سونداي-اق 2023 جىلدىڭ سوڭىنا دەيىن ارمەنيادا سپۋتنيكتىك باسقارۋ ورتالىعى قۇرىلىپ, ونىڭ اينالاسىندا ماماندار توبى جينالاتىنىن مالىمدەدى.