قازاقستاندىق جاس تەننيسشى رولان گارروس تۋرنيرىندە باق سىنادى

ارۋجان ىرىكتەۋ سايىستارىنىڭ جارتىلاي فينالىندا فرانتسيالىق وفاليا بۋللايمەن كەزدەستى. ەكى ساعاتقا سوزىلعان تارتىستى ماتچتا قازاقستاندىق تەننيسشى 6:4, 5:7, 10:6 ەسەبىمەن جەڭىسكە جەتتى.

ا.ساعىندىقوۆا ىرىكتەۋ سايىستارىنىڭ فينالىندا جاپونيالىق حايا كينوسيتامەن شەبەرلىك بايقاسادى. ىرىكتەۋ سايىستارىنىڭ 6-راكەتكاسىن جەڭسە, نەگىزگى جارىسقا جولداما الادى.

تاعى ءبىر جاس قازاقستاندىق ماكسيم باتيۋتەنكو جەرگىلىكتى ويىنشى توماس فۋرەلگە جول بەردى – 6:4, 4:6, 7:10.

قازاقستاننىڭ ايەلدەر اراسىنداعى ەكىنشى, الەمنىڭ 37-راكەتكاسى يۋليا پۋتينتسەۆا ءۇشىنشى اينالىمعا وتە المادى. ول الەمنىڭ 30-راكەتكاسى, يتاليالىق كاميلا دجوردجيدەن ۇتىلىپ قالدى – 3:6, 5:7.

يۋ.پۋتينتسەۆا جۇپتىق سىندا دا جارىس جولىنان شىعىپ قالدى. ول امەريكالىق دانيەل كولليزبەن بىرگە رۋمىنيالىق مونيكا نيكۋلەسكۋ – بەلگيالىق ەليسون ۆان ەيتۆانكتان جەڭىلدى – 6:3, 3:6, 1:6.