ەلوردادان تاشكەنتكە ۇشاتىن ۇشاقتىڭ جولاۋشىسى وزىمەن بىرگە 9 ملن تەڭگە الىپ كەتپەك بولعان. بۇل تۋرالى نۇر-سۇلتان قالاسى بويىنشا مەملەكەتتىك كىرىستەر دەپارتامەنتى مالىمدەدى, دەپ حابارلايدى Egemen.kz.
«اۋەجاي-استانا» كەدەن بەكەتىنىڭ قىزمەتكەرلەرى ۇقك شەقارا قىزمەتى مەن اۋەجاي باقىلاۋ قىزمەتى ماماندارىمەن بىرلەسىپ, نۇر-سۇلتان-تاشكەنت باعىتىندا قاتىنايتىن اۋە رەيسىمەن ۇشاتىن جولاۋشىلاردى كەدەندىك باقىلاۋدان وتكىزگەننەن كەيىن اتالعان زاڭ بۇزۋشىلىقتى انىقتادى.
«د ەسىمدى ازاماتتىڭ قولجۇگىن رەنتگەن ارقىلى قاراعاننان كەيىن جولاۋشى جۇك بولىمىنە شاقىرىلدى. تەكسەرۋ بارىسىندا ونىڭ سومكەسىنەن 21 650 اقش دوللارى (9 ملن تەڭگە) انىقتالدى. بۇل دەرەك بويىنشا اكىمشىلىك ماتەريال تولتىرىلدى», دەپ جازىلعان ۆەدومستۆو تاراتقان حابارلامادا.