بۇرىنعى ۆيتسە-پرەمەر, ۇلتتىق بانك پەن قارجى مينيسترلىگىنىڭ بۇرىنعى باسشىسى وراز جاندوسوۆ تسيفرلىق دامۋ, يننوۆاتسيالار جانە اەروعارىش ونەركاسىبى ءمينيسترىنىڭ شتاتتان تىس كەڭەسشىسى بولىپ تاعايىندالدى, دەپ حابارلايدى Egemen.kz.
بۇل تۋرالى باعدات ءمۋسيننىڭ Facebook-پاراقشاسىندا حابارلادى.
مينيستر كەيدە ماڭىزدى شەشىم قابىلداۋ ءۇشىن تاجىريبەلى كىسىلەردىڭ كەڭەسى قاجەت ەكەنىن ايتادى.
«ماعان كەز كەلگەن ساتتە كونسۋلتاتسيا بەرەتىن اسا تاجىريبەلى, ءوزىم ارقا سۇيەيتىن كىسىلەردىڭ ءبىرى - وراز ءالي ۇلى جاندوسوۆ. ونىمەن قازپوشتادا جۇمىس ىستەگەندە تانىسقان بولاتىنمىن, ول كەزدە تاۋەلسىز ديرەكتور بولاتىن جانە ديرەكتورلار كەڭەسىنىڭ ءتورايىمى ەلەنا لەونيدوۆنا باحمۋتوۆامەن بىرگە ماعان تاجىريبەلىك تۇرعىدا كوپ قولداۋ كورسەتىپ, باعىت-باعدار جاساعان ەدى. سوندىقتان مەن ەكونوميكا سالاسىنىڭ بىلىكتى مامانى وراز جاندوسوۆقا شتاتتان تىس كەڭەسشى بولۋعا ۇسىنىس جاسادىم», دەلىنگەن جازبادا.